Bağdadda iki banka səs bombası ilə hücum edilib

İraqın paytaxtı Bağdadda iki bankı hədəf alan səs bombalı hücumlarda iki nəfər yaralanıb.

Bağdad Əməliyyat Komandanı Əhməd Səlim paytaxtın mərkəzi Karrada bölgəsində iki bankın hədəf alındığını, hadisə nəticəsində iki nəfərin yaralandığını bildirib.

İraq hökumətinin Təhlükəsizlik Media Şəbəkəsindən verilən açıqlamada hər iki banka da səs bombası atıldığının müəyyən edildiyi qeyd olunub.