Türkiyə ilə BƏƏ arasında əməkdaşlığı artıracaq yeni addımlar atılır
Birləşmiş Ərəb Əmirliklərinin (BƏƏ) vəliəhd şahzadəsi Şeyx Məhəmməd İbn Zayed Əl Nəhyan Türkiyəyə səfərə gedir.
1737490
TRT xəbər verir ki, bu barədə Türkiyənin prezident administrasiyasının ictimaiyyətlə əlaqələr idarəsindən məlumat yayılıb. Bildirilib ki, Əbu-Dabi vəliəhdi Şeyx Məhəmməd İbn Zayed Əl Nəhyan prezident Rəcəb Tayyib Ərdoğanın dəvətinə görə 24 noyabrda Türkiyədə səfərdə olacaq. Nəhyanın Ankarada keçirəcəyi görüşlərdə Türkiyə ilə BƏƏ arasında ikitərəfli münasibətlər bütün aspektləri ilə nəzərdən keçiriləcək, əməkdaşlığın inkişafı üçün atılası addımlar müzakirə olunacaq. Aktual regional və beynəlxalq problemlər ətrafında fikir mübadiləsi aparılacaq.