İraqda aksiyalar davam edir
İraqda elektrik enerjisinin kəsilməsinə etiraz edən nümayişçilərə sərt müdaxilə edilib.
İraq təhlükəsizlik qüvvələrinin ölkənin cənubundakı Vasit vilayətində elektrik enerjisinin kəsilməsinə etiraz edən nümayişçilərə müdaxiləsi nəticəsində 4 nəfər yaralanıb.
Məlumata görə yüzlərlə insan Vasit şəhərində elektrik enerjisinin uzun müddət kəsilməsinə etiraz olaraq “Əl-Əziziyə” elektrik stansiyasının qarşısında toplaşıb. Təhlükəsizlik qüvvələri silahsız nümayişçilərə atəş açıb. Hadisələr nəticisində 3-ü ağır olmaqla 4 nümayişçi yaralanıb.
Xatırladaq ki, İraq elektrik enerjisi üzrə nazir Məcid Mehdi Hantuş, elektrik kəsintilərinə görə etiraz nümayişlərinin artmasını səbəb göstərərək keçən həftə vəzifəsindən istefa verdi.
Hava istiliyinin 50 dərəcəyə çatdığı ölkədə insanlar istilərdən başqa bir də yaşanan elektrik kəsilməsi problemi ilə mübarizə aparırlar.