Bәşәr Әsәd rejimi mülki yaşayış mәntәqәlәrinә hücum edib

Bәşәr Әsәd rejimi vә  İranın dәstәklәdiyi terror qruplaşmalarının İdlib deeskalasiya bölgәsi sәrhәdlәri daxilindә tәmin olunan  atәşkәs rejimini pozaraq mülki-yaşayış mәntәqәlәrinә ağır zәrbәlәr endirib, nәticәdә 2 mülki vәtәndaş hәlak olub, 2 nәfәr dә yaralanıb.

İdlibin cәnub-qәrbindәki Kefrenbil bölgәsindә yerlәşәn Bәşәr Әsәd ordusu ilә İran tәrәfindәn dәstәklәnәn terror qruplaşmalarından ibarәt rejim qüvvәlәri  İdlibin cәnubundakı Bizebur kәndinә ağır zәrbәlәr endirib.

Hücumlar nәticәsindә iki mülki vәtәndaş hәlak olub, 2-si dә xәsarәt alıb. Xәsarәt alanlar әtrafdakı xәstәxanalara yerlәşdirilib.

Xatırladaq ki, Türkiyә ilә Rusiya arasında martın 5-dә Moskvada atәşkәsә dair müqavilә әldә olunmuşdu.

Rejim qüvvәlәrinin vaxtaşırı olan pozuntularına baxmayaraq atәşkәsә riayәt olunur.