DEAŞ-ın "Bağdad valisi" elan etdiyi terrorçu öldürüldü
İraqda terror təşkilatı DEAŞ-ın "Bağdad valisi" elan etdiyi terrorçu Əbdüssəlam Həməd Hammudun ölkənin qərbindəki Enbar vilayətində öldürüldüyü bildirildi.
İraqda hökuməti dəstəkləyən şiə milislərdən ibarət Haşdi Şabi heyətinin verdiyi məlumatda onlara sadiq qüvvələr tərəfindən DEAŞ-ın "Bağdad valisi" olaraq elan etdiyi terrorçu Əbdüssəlam Həməd Hammudun öldürüldüyü bildirildi.
Hammudun özünü partlatmaq cəhdi ərəfəsində müavini və 6 nəfərdən ibarət mühafizəçilərinin ələ keçirildiyi qeyd edilən məlumatda ölənlər arasında Əbdüssəlam Həməd Hammudun olduğunun müəyyən edildiyi deyildi.
Cəsədlərin İraq ordusuna tabe olan Birgə Əməliyyatlar Komandanlığına göndərildiyi, lakin Hammudla bağlı hələ ki, rəsmi bir açıqlamanın verilmədiyi ifadə edildi.
Məlumatda ölkənin qərbindəki Enbar vilayətində Haşdi Şabi qüvvələri tərəfindən təşkil olunan əhlükəsizlik əməliyyatı zamanı "Əbu Nur" ləqəbli Hammudun özünü partlatdığı qeyd edildi.
Qeyd edək ki, 2017-ci ilin dekabrında ölkənin DEAŞ terrorundan xilas edildiyi açıqlansa da, İraq rəsmilərinə görə, ölkənin şərqindəki Diyala və şimalındakı Səlahəddin və Kərkük vilayətləri arasında mühasirə altındakı təşkilat üzvləri bəzən silahlı basqınlar edirlər.
Әlaqәli Xәbәrlәr
Rusiya nüvə silahından istifadə təlimləri keçirəcək
Rusiya Müdafiə Nazirliyindən verilən açıqlamada bildirilir ki ...
Tacikistan, Qırğızıstan və Özbəkistan vətəndaşları Rusiyaya qəbul edilmir
Rusiya gömrükçüləri baş örtülü qadınların, saqqallı, lakin bığsız kişilərin keçidini qəbul etmir