Azərbaycanda "Covid-19"dan ölüm və yoluxma sayı (22 oktyabr 2021)
Azərbaycanda son sutkada 2112 nəfərdə "Covid-19" aşkarlanıb.
Azərbaycanda son sutkada 2112 nəfərdə "Covid-19" aşkarlanıb, 18 nəfər vəfat edib.
Azərbaycan Respublikasında koronavirus infeksiyasına 2 112 yeni yoluxma faktı qeydə alınıb, 882 nəfər müalicə olunaraq sağalıb.
Nazirlər Kabineti yanında Operativ Qərargahdan verilən məlumata görə, "Covid-19" üçün götürülən analiz nümunələri müsbət çıxmış 18 nəfər vəfat edib.
İndiyədək ölkədə ümumilikdə 511 974 nəfərin koronavirus infeksiyasına yoluxması faktı müəyyən edilib, onlardan 482 578 nəfər müalicə olunaraq sağalıb, 6 847 nəfər vəfat edib, aktiv xəstə sayı 22549 nəfərdir.
Son sutka ərzində yeni yoluxma hallarının müəyyənləşdirilməsi ilə əlaqədar 12 568, ötən müddət ərzində isə ümumilikdə 5 081 920 test aparılıb.
Bir gündə birinci mərhələ üzrə vaksinasiya olunanların sayı 16 774, ikinci mərhələ üzrə vaksinasiya olunanların sayı 14 112 nəfərdir.
Ölkədə vurulan vaksinlərin ümumi sayı 9 320 558, birinci mərhələ üzrə vaksinasiya olunanların ümumi sayı 5 024 500, ikinci mərhələ üzrə vaksinasiya olunanların ümumi sayı isə 4 296 058 təşkil edir.