Բարզանի․ PKK-ն «մեծ գլխացավանք» է մեզ և Բաղդադի վարչակազմի համար
Իրաքյան Քրդստանի տարածաշրջանային կառավարության նախագահ Նեչիրվան Բարզանին հայտարարել է, որ անջատողական ահաբեկչական կազմակերպությունը PKK-ն «մեծ գլխացավանք» է իրենց և Բաղդադի վարչակազմի համար։
Նեչիրվան Բարզանին «Ալ Արաբիա» հեռուստաալիքին տված իր հայտարարության մեջ նշել է, որ Իրաքում շիա աշխարհազորայինների գործողությունները (ամերիկյան բազաների վրա հարձակումները) պետք է դադարեցվեն, և որ նրանք անհանգստացած են, որ Բաղդադը չի կարողանա պաշտպանել Իրաքյան Քրդստանի տարածաշրջանային կառավարությունը։
Իրաքում ԱՄՆ-ի գլխավորած կոալիցիոն ուժերի ներկայության վերաբերյալ Բարզանին ասել է. « Իրաքյան Քրդստանի տարածաշրջանային կառավարությունը կորոշի կոալիցիոն ուժերի գոյության ճակատագիրը Իրաքի կենտրոնական կառավարության հետ միասին, ոչ միայնակ»։
Ընդգծելով, որ իրենք բացարձակապես մերժում են անջատողական ահաբեկչական կազմակերպության կողմից Թուրքիայի դեմ Իրաքյան Քրդստանի տարածաշրջանային կառավարության տարածքի օգտագործումը, Բարզանին հավելել է, որ կազմակերպությունը սպառնալիքի աղբյուր է հարևան երկրների (Թուրքիայի) համար և «մեծ գլխացավանք» Էրբիլի և Բաղդադի համար։
