Ալիևը հեռախոսազրույց է ունեցել Բլինկենի հետ

Ադրբեջանը հայտարարություն է արել Ալիևի և Բլինկենի հեռախոսազրույցի վերաբերյալ։

Հայտարարության համաձայն՝ Ալիեւը Բլինկենի հետ հեռախոսազրույցում բացատրել է Ղարաբաղում ադրբեջանական բանակի նախաձեռնած հակաահաբեկչական միջոցառումների պատճառները։

Խոսելով Ղարաբաղում հայկական զինված ուժերի և վերջին ամիսներին նրանց աճող սադրանքների և, այսպես կոչված, վարչակարգի «նախագահական ընտրությունների» մասին, Ալիևը նշել է, որ սադրիչ գործողությունները կանխելու համար նրանք ստիպված են եղել տարածաշրջանում սկսել տեղական հակաահաբեկչական միջոցառումներ։

Ալիևն ընդգծել է, որ ադրբեջանական բանակը չի թիրախավորում քաղաքացիական անձանց և ենթակառուցվածքային օբյեկտները, այլ միայն ոչնչացնում է օրինական ռազմական օբյեկտները։

Հիշեցնելով, որ Ադրբեջանի Ղարաբաղի տարածաշրջանում բնակվող հայերի ներկայացուցիչները Ադրբեջանի նախագահի աշխատակազմի կողմից բազմիցս հրավիրվել են երկխոսության՝ վերաինտեգրման հարցերը քննարկելու համար, սակայն այդ հրավերները մերժվել են՝ Ալիևը հայտարարել է, որ իրենք կրկնել են երկխոսության հրավերը, քանի դեռ հակաահաբեկչական միջոցառումները շարունակվում են։

Ալիևը հայտարարել է, որ հակաահաբեկչական միջոցառումները կդադարեցվեն, եթե Ղարաբաղում հայկական զինված ուժերը վայր դնեն զենքերը և զինաթափվեն։