Ալիև. Փոքրամասնությունները գտնվում են սահմանադրական երաշխիքի տակ
Ադրբեջանի նախագահ Իլհամ Ալիևը հայտարարել է, որ իր երկրում բոլոր փոքրամասնությունները գտնվում են սահմանադրական երաշխիքի տակ։
Մայրաքաղաք Բաքվում կայացած Բաքվի 10-րդ Գլոբալ ֆորումի բացման ժամանակ Ալիևը խոսել է Հայաստանի և Ադրբեջանի միջև առկա խնդիրների և Ղարաբաղյան 2-րդ պատերազմի մասին։
Հայտարարելով, որ աշխարհում հակամարտությունները կամ պատերազմի կամ խաղաղության հետևանք են եղել, Ալիևն ասել է. «Մենք ցանկանում էինք, որ Հայաստանը կատարի ՄԱԿ-ի Անվտանգության խորհրդի բանաձևերը այն հարցի վերաբերյալ, որ հայկական բանակը պետք է անվերապահորեն լքի Ադրբեջանը: Բայց Հայաստանն անտեսեց այս որոշումները։ Ոչ մի արդյունքի չհասավ նաև ԵԱՀԿ Մինսկի խումբը, որը ստեղծվել էր լուծման համար (Եվրոպայի անվտանգության և համագործակցության կազմակերպություն)։ Մենք արեցինք այն, ինչ գիտեինք, որ ճիշտ է: Սեփական հողերը կռվելով հետ ենք վերցրել»։
Ալիևը նաև հիշատակել է ադրբեջանական հողերի օկուպացման ժամանակաշրջանում Հայաստանի իրականացրած ավերածությունները և ասել. «Ադրբեջանի ժողովուրդը բարոյական իրավունք ունի վրեժ լուծելու։ Բայց մենք մեր վրեժը գտանք մարտի դաշտում։ Մենք ռազմական հանցագործություն չենք կատարել. Մենք Հայաստանի նման ցեղասպանություն չենք իրականացրել. Հիմա խաղաղության ժամանակն է։ Մենք հույս ունենք, որ պատերազմից հետո կհասնենք խաղաղության»։
Ինչ վերաբերում է Ադրբեջանում հայ բնակչությանը, Ալիևն ասել է. «Ադրբեջանի բոլոր փոքրամասնությունները գտնվում են սահմանադրական երաշխիքի տակ, տարբեր կրոնական և էթնիկ խմբեր Ադրբեջանում ապրում են խաղաղ և արժանապատիվ: Ադրբեջանի Ղարաբաղի տարածաշրջանում հայերի կյանքն ավելի լավն է լինելու, քան օկուպացիոն շրջանը»,- ասել է նա։
