Ալիևը հեռախոսազրույց է ունեցել Շառլ Միշելի հետ
Ադրբեջանի նախագահ Իլհամ Ալիևը հեռախոսազրույց է ունեցել Եվրամիության (ԵՄ) խորհրդի նախագահ Շառլ Միշելի հետ։
Ադրբեջանի նախագահության հայտարարության համաձայն՝ Ալիևը հիշեցրել է Միշելի նախաձեռնությամբ և մասնակցությամբ անցկացված եռակողմ հանդիպումները և այդ շրջանակներում ձեռք բերված պայմանավորվածությունները, նշել է, որ հույս ունի, թե Հայաստանի և Ադրբեջանի միջև հարաբերությունների կարգավորման բանակցություններից, խաղաղության համաձայնագրի ստորագրումից, սահմանների որոշման և տրանսպորտային գծերի բացման շուրջ բանակցություններից կոնկրետ արդյունքներ կստացվեն։
Իլհամ Ալիևը ուշադրություն է հրավիրել օկուպացիայից ազատագրված տարածքներում Ադրբեջանի առջև ծառացած լայնածավալ ականների խնդրին և ընդգծել, որ Ղարաբաղյան 1-ին պատերազմից անհայտ կորած համարվող մոտ 4 հազար ադրբեջանցիների ճակատագիրը պետք է լուսավորվի Հայաստանի կողմից։
ԵՄ խորհրդի նախագահ Միշելը նշել է, որ ԵՄ-ի համար կարևոր է Հարավային Կովկասում կայունության, խաղաղության և անվտանգության ապահովումը։
Միշելը նշել է, որ ԵՄ-ն շարունակելու է ջանքերը Հայաստանի և Ադրբեջանի միջև հարաբերությունների կարգավորման, խաղաղության համաձայնագրի ստորագրման, սահմանների սահմանման և տրանսպորտային գծերի բացման ուղղությամբ։
