Ադրբեջան. «Ուղղաթիռի կործանման մեջ արտաքին գործոն չկա»

Ադրբեջանի պետական ​​սահմանային ծառայությունների ղեկավար, գեներալ Էլչին Գուլիեւը մամուլի ասուլիս է հրավիրել՝ կապված ուղղաթիռի կործանման հետ, որին նահատակվել են 14 զինծառայողներ, որոնց մեծ մասը բարձր կոչում է եղել։

Նշելով, որ Պետական ​​սահմանային ծառայությանը պատկանող Մի-17 տիպի ռազմական ուղղաթիռը օդ է բարձրացել տեղական ժամանակով ժամը 10:16-ին Սանգաչալի օդանավակայանից՝ ուսումնական նպատակներով, Գուլիեւը հայտարարել է, որ ուղղաթիռը կործանվել է առավոտյան ժամը 10.36-ին՝  Հըզը շրջանում  գտնվող Կարահեյբեթ ավիաուղիներում վայրէջք կատարելիս:

Գուլիեւը հայտարարել է, որ վթարի հետևանքով զոհվել է 14 զինվոր, վիրավորվել՝ 2 զինծառայող, տուժածները բուժօգնություն են ստանում, նրանց վիճակը լավ է։

Գուլիեւը ասեց․

«Սեւ արկղը հայտնաբերվել է եւ գտնվում է գլխավոր դատախազությունում, վթարի պատճառն ավելի պարզ կդառնա հետաքննության արդյունքում, հիմա հստակ ոչինչ ասել հնարավոր չէ, բայց կարող ենք ասել, որ արտաքին գործոն չկա»։

Հըզի շրջանի Քարահեյբեթ ավիաուսումնական հրապարակում տեղի ունեցած վթարի հետևանքով զոհվել է 1 գնդապետ, 1 փոխգնդապետ, 5 մայոր, 4 կապիտան, 2 լեյտենանտ և 1 տեխնիկական աշխատակից, վիրավորվել՝ 1 փոխգնդապետ և 1 կապիտան։