ՄԱԿ. Իսրայելը 2 շաբաթվա ընթացքում ավերել կամ առգրավել է պաղեստինցիների 22 տուն

ՄԱԿ-ի Մարդասիրական հարցերով համակարգող գրասենյակի (OCHA) պատրաստած զեկույցում տեղեկություն է տրվել Իսրայելի կողմից Արևելյան Երուսաղեմում եւ Արեւմտյան ափում պաղեստինցիների ունեցվածքի ոչնչացման եւ բռնագրավման մասին 2 շաբաթվա ընթացքում։

Հայտարարության մեջ ասվում է, որ Իսրայելի իշխանությունները կամ քանդել կամ առգրավել են պաղեստինցիների 22 տուն՝ պատճառաբանելով, որ դրանք «չարտոնված են»։

Զեկույցում նշվում է նաեւ, որ հոկտեմբերի 19-ից նոյեմբերի 1-ն ընկած ժամանակահատվածում իրականացված քանդումների հետեւանքով 13 մարդ տեղահանվել է, եւ ավելի քան 1400 մարդ տուժել է իրենց ապրուստի կամ ծառայության հնարավորությունների առումով։

Իսրայելը տարբեր պատճառներով քանդում է պաղեստինցիների տներն ու շինությունները Արևելյան Երուսաղեմում եւ Արեւմտյան ափում, որը գրավել էր 1967 թվականին։