Հանդիպում Էրդողանի և Ռեիսիի միջև
Նախագահ Ռեջեփ Թայիփ Էրդողանը Իրանի նախագահ Իբրահիմ Ռեիսիի հետ հանդիպման վերաբերյալ ասել է․
«Մենք անդրադարձել ենք PKK/PYD/YPG և PJAK (ահաբեկչական կազմակերպությունների) դեմ մեր համագործակցության հետագա ամրապնդման կարևորությանը, որոնք ուղղված են մեր երկրների և տարածաշրջանի անվտանգությանը»։
Նախագահ Էրդողանը պաշտոնական այցով մայրաքաղաք Անկարայում գտնվող իրանցի գործընկեր Իբրահիմ Ռեիսիի հետ հանդիպումից հետո կայացած համատեղ մամուլի ասուլիսում խոսել է։
«Մենք կարևորում ենք մեր հարևան Իրանի հետ հարաբերությունների խորացումը՝ փոխադարձ վստահության և ընդհանուր շահերի հիման վրա»,- ասել է Էրդողանը ու շարունակել է հետևյալ կերպ․
«Մենք անդրադարձանք Իրանի հետ մեր համագործակցության հետագա ամրապնդման կարևորությանը PKK/PYD/YPG-ի և PJAK-ի դեմ, որոնք ուղղված են մեր երկրների և մեր տարածաշրջանի անվտանգությանը»։ Էրդողանն ասել է.«Ես դատապարտում եմ հունվարի 3-ին Քերմանում տեղի ունեցած սարսափելի ահաբեկչությունը։ Ցանկանում եմ հայտնել, որ Թուրքիան ահաբեկչության դեմ պայքարում Իրանի կողքին է։
Նախագահը խոսել է նաև իսրայելա-պաղեստինյան հակամարտության մասին, որը շարունակվում է հոկտեմբերի 7-ից ու ասեց․
«Մենք քննարկել ենք Գազայի վրա Իսրայելի անմարդկային հարձակումները դադարեցնելու անհրաժեշտությունը և հրատապ քայլեր ձեռնարկել արդար և երկարատև խաղաղության հաստատման ուղղությամբ: Մենք պայմանավորվել ենք խուսափել քայլերից, որոնք հետագայում կվտանգեն մեր տարածաշրջանի անվտանգությունն ու կայունությունը»։
Էրդողանն ու Ռեիսին ավելի ուշ մասնակցել են Թուրքիա-Իրան գործարար համաժողովին։
Նախագահ Էրդողանն այստեղ իր ելույթում ասել է.
«Տարածաշրջանային երկու տերություններ՝ Թուրքիան և Իրանը, պետք է զարգացնեն իրենց համագործակցությունը հանուն զարգացման և կայունության: Մենք վճռական ենք հասնելու Իրանի հետ 30 միլիարդ դոլարի առևտրային նպատակին: Մենք չենք դադարեցրել մեր տնտեսական և առևտրային հարաբերությունները մեր հարևան Իրանի հետ պատժամիջոցների պատճառով, և մենք այսուհետ դրանք չենք դադարեցնելու»։
«Իրանի հետ նոր սահմանային դարպասների բացումը մեր օրակարգում է: Շարունակվում են աշխատանքները սահմանամերձ առևտրի կենտրոնների վրա, որոնք ուղղված են մեր սահմանամերձ նահանգների տնտեսական զարգացմանը»։
Մինչդեռ Թուրքիա-Իրան բարձր մակարդակի համագործակցության խորհրդի 8-րդ նիստից հետո, որն անցկացվել է երկու երկրների պատվիրակությունների մասնակցությամբ, կողմերի միջև ստորագրվել է 10 համաձայնագիր։
Այս թեմայով լուրեր
Հաքան Ֆիդանը պաշտոնական այցով կմեկնի ԱՄԷ
Արտաքին գործերի նախարար Հաքան Ֆիդանը պաշտոնական այցով կմեկնի Արաբական Միացյալ Էմիրություններ (ԱՄԷ):
