Էրդողանը ստորագրել է Շվեդիայի ՆԱՏՕ-ին անդամակցելու արձանագրությունը և ուղարկել խորհրդարան
Շվեդիայի՝ ՆԱՏՕ-ին անդամակցելու արձանագրությունը ստորագրվել է նախագահ Ռեջեփ Թայիփ Էրդողանի կողմից և ուղարկվել Թուրքիայի Ազգային մեծ ժողով։
Նախագահականի հանրային կապերի վարչության սոցիալական ցանցում արված գրառման մեջ «Շվեդիայի ՆԱՏՕ-ին անդամակցելու արձանագրությունը ստորագրվել է մեր նախագահ պարոն Ռեջեփ Թայիփ Էրդողանի կողմից 2023 թվականի հոկտեմբերի 23-ին և փոխանցվել Թուրքիայի Ազգային մեծ ժողովին»։
Շվեդիայի վարչապետ Ուլֆ Քրիստերսոնն իր գոհունակությունն է հայտնել նախագահ Էրդողանի կողմից ՆԱՏՕ-ին Շվեդիայի անդամակցության արձանագրության ստորագրման կապակցությամբ։
Քրիստերսոնն իր սոցցանցի գրառմանը ասել է․ «Մենք ողջունում ենք նախագահ Էրդողանի կողմից Շվեդիայի՝ ՆԱՏՕ-ին անդամակցելու արձանագրության ստորագրումը և այն Թուրքիայի Ազգային մեծ ժողովին ներկայացնելը։ Այժմ խորհրդարանի ընթացակարգերը կսկսվեն։ Մենք անհամբեր սպասում ենք ՆԱՏՕ-ի անդամ դառնալուն»։
ՆԱՏՕ-ի գլխավոր քարտուղար Յենս Ստոլտենբերգը նույնպես ողջունել է նախագահ Էրդողանի կողմից Շվեդիայի անդամակցության արձանագրությունը ստորագրելը և այն Թուրքիայի Ազգային մեծ ժողով ուղարկելը։
Ստոլտենբերգն ասել է.
«Ես անհամբեր սպասում եմ վավերացման վերաբերյալ արագ քվեարկությանը և շուտով Շվեդիային որպես ՆԱՏՕ-ի լիարժեք դաշնակցի ողջունելուն: Ինչպես ես արտահայտեցի շաբաթավերջին նախագահ Էրդողանի հետ մեր հանդիպման ժամանակ, դա ամբողջ Դաշինքը կդարձնի ավելի ուժեղ և անվտանգ»:
Միացյալ Նահանգների Պետդեպարտամենտի խոսնակ Մեթյու Միլլերն ասել է.
«Մենք ողջունում ենք այս քայլը, անհամբեր սպասում ենք, որ այս օրինագիծը հնարավորինս շուտ քննարկվի և ընդունվի Թուրքիայի Ազգային մեծ ժողովում»:
