Հանդիպում Շենթոփի և Երլան Կոշանովի միջև
Թյուրքիյեյի Խորհրդարանի նախագահ Մուստաֆա Շենթոփը հանդիպել է Ղազախստանի ասամբլեայի նախագահ Երլան Կոշանովի հետ։
Նախագահական խորհրդի նիստերի դահլիճում Շենթոփը հանդիպել է Ղազախստանի խորհրդարանի նախագահ Կոշանովի և նրան ուղեկցող պատվիրակության հետ, որոնք Թյուրքիյե էին ժամանել Թուրքական պետությունների Խորհրդարանական վեհաժողովի (TÜRKPA) 12-րդ Գլխավոր ասամբլեայի համար։
Հանդիպումից հետո Շենթոփն ու Քոշանովը ստորագրել են համագործակցության արձանագրություն Թյուրքիյեյի Խորհրդարանի և Ղազախստանի վեհաժողովի միջև։
Հանդիպման ընթացքում Շենթոփը Կոշանովին է փոխանցել իր շնորհավորանքները մարտի 19-ին Ղազախստանում կայացած խորհրդարանական ընտրությունների կապակցությամբ և մաղթել, որ նոր ժամկետը շահավետ լինի Ղազախստանի վեհաժողովում։
Շենթոփը շնորհակալություն է հայտնել Քահրամանմարաշի երկրաշարժերի պատճառով Ղազախստանի աջակցության համար ու ասել է․
«Մեր ամենամեծ մխիթարությունն է իմանալ, որ մեր եղբայրներն ու քույրերը մեզ հետ են նման տառապանքների ժամանակ»։
Հանդիպմանը, որտեղ քննարկվել են նաև երկկողմ հարաբերությունները և տարածաշրջանային խնդիրները, Շենթոփն ասել է.
«Ղազախստանի կայունությունը մեծ նշանակություն ունի թուրքական աշխարհի համար, Ղազախստանը առաջատար դեր ունի թուրքական պետությունների կազմակերպության ինստիտուցիոնալացման գործում»:
Շենթոփն ասել է, որ խորհրդարանների միջև ստորագրված համագործակցության արձանագրությունը վկայում է երկու երկրների խորհրդարանների միջև բարեկամությունն ու եղբայրությունը ամրապնդելու ցանկության և ընդհանուր կամքի մասին։
Ղազախստանի խորհրդարանի նախագահ Երլան Կոշանովը հայտարարել է, որ խորհրդարանի նախագահի պաշտոնում ընտրվելուց հետո առաջին արտասահմանյան այցն է կատարել Թյուրքիյե, և դա խորհրդանշական նշանակություն ունի։
Իր տխրությունը հայտնելով Քահրամանմարաշի երկրաշարժերի պատճառով՝ Քոշանովն ասել է, որ իրենք ուշադիր հետևում են Թյուրքիյեյի արտաքին քաղաքականությանը։
Կոսանովն ընդգծել է ռուս-ուկրաինական պատերազմում Թյուրքիյեյի միջնորդական դերի կարևորությունը։
Մինչդեռ ելույթ ունենալով մայրաքաղաք Անկարայում Թուրքիա-Ղազախստան բարեկամության այգու բացմանը, Շենթոփն ասել է․
«Ինչպես անում ենք այսօր, մենք կշարունակենք դրսևորել եղբայրության, համագործակցության և համերաշխության մեր կամքը բոլոր հիմքերով՝ ինչպես Թուրքիայի և Ղազախստանի երկկողմ հարաբերություններում, այնպես էլ անկախ թուրքական պետությունների բազմակողմ հարաբերություններում»:
Շենթոփը բացատրել է, որ երկու երկրների նախագահները միշտ արտահայտում են իրենց կամքը՝ պետությունները միասին առաջ տանելու միասնական նպատակի և ուղղությամբ ու ասել է․
«Մեր համագործակցությունը այնպիսի ոլորտներում, ինչպիսիք են էներգետիկան և պաշտպանությունը, ամրապնդում է մեր երկրների լիովին անկախ դիրքորոշումը»:
Այս թեմայով լուրեր
Նախագահ Էրդողանը հեռախոսազրույց է ունեցել Ալիևի հետ
Նախագահ Ռեջեփ Թայիփ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ։
