Էրդողան․ Մենք կհանդիպենք Ֆինլանդիայի նախագահի հետ և կկատարենք մեր խոստումը

«Մենք կհանդիպենք Ֆինլանդիայի նախագահի հետ և կկատարենք մեր խոստումը»։

Նախագահ Էրդողանը Թյուրքիյեյի Խորհրդարանում Արդարություն և բարգավաճում կուսակցության (ԱԶԿ), որի ղեկավարն է, խմբային ժողովից հետո պատասխանել է լրագրողների հարցերին Ֆինլանդիայի ՆԱՏՕ-ին անդամակցելու վերաբերյալ։

Էրդողանն ասել է. «Ինչպիսին էլ լինի գործընթացը, մենք այն կվարենք, մենք մեր բաժինը կանենք, կպահենք մեր խոստումը, հարգարժան նախագահի հետ կհանդիպենք ուրբաթ օրը և կկատարենք մեր խոստումը»։

Նախագահության հաղորդակցության տնօրինության հաղորդագրության համաձայն, Ֆինլանդիայի նախագահ Սաուլի Նիինիստյոն Էրդողանի հրավերով մարտի 16-17-ը աշխատանքային այցով կմեկնի Թյուրքիյե։

Ուրբաթ օրը՝ մարտի 17-ին Ստամբուլում կայանալիք հանդիպումներում կվերանայվեն Թյուրքիյե-Ֆինլանդիա հարաբերությունների բոլոր ասպեկտները և կքննարկվեն համագործակցությունը բարելավելու համար ձեռնարկվող քայլերը։

Բացի երկկողմ հարաբերություններից, նախատեսվում է մտքեր փոխանակել ՆԱՏՕ-ին Ֆինլանդիայի անդամակցության հայտի, Թյուրքիյե-Եվրամիություն հարաբերությունների և տարածաշրջանային և գլոբալ արդի խնդիրների շուրջ՝ ՆԱՏՕ-ի Մադրիդի գագաթնաժողովի շրջանակներում ստորագրված Եռակողմ հուշագրի հիման վրա։

Թյուրքիյեն վետո է դրել Ֆինլանդիայի և Շվեդիայի վրա, որոնք հունիսի 28-ին Իսպանիայի Մադրիդ քաղաքում կայանալիք ՆԱՏՕ-ի գագաթնաժողովին անդամակցության հայտ էին ներկայացրել։ Ահաբեկչական կազմակերպություններին բացահայտորեն աջակցող երկու երկրների հետ արձանագրություն ստորագրած Անկարան սպասում է տված խոստումների կատարմանը։