Շենթոփը պաշտոնական շփումների շրջանակներում այցելել է Սկոպյե
Թյուրքիյեյի Խորհրդարանի նախագահ Մուստաֆա Շենթոփը պաշտոնական շփումների շրջանակներում գտնվում է Հյուսիսային Մակեդոնիայի մայրաքաղաք Սկոպյեում։
Մուսթաֆա Շենթոփը երեկ հանդիպել է Հյուսիսային Մակեդոնիայի իր գործընկեր Թալաթ Գաֆերիի հետ։
Շենթոփը ուշադրություն է հրավիրել Հյուսիսային Մակեդոնիայում գործող Ֆեթուլլահական ահաբեկչական կազմակերպության կառույցների վրա։
Շենթոփը հիշեցրել է, որ FETÖ-ն լուրջ խնդիր է ոչ միայն Թուրքիայի ազգային անվտանգության, այլև Հյուսիսային Մակեդոնիայի ազգային անվտանգության համար։
Մուսթաֆա Շենթոփը իր շփումների շրջանակում հանդիպել է նաև Հյուսիսային Մակեդոնիայի վարչապետ Դիմիտար Կովաչևսկու հետ։
Շենթոփն ընդգծել է երկու երկրների միջև ազատ առևտրի համաձայնագրի թարմացման կարևորությունը։
Թյուրքիյեյի խորհրդարանի նախագահը ներկա է գտնվել Մաարիֆ միջազգային դպրոցների Սկոպյեի կամպուսի բացմանը։
Արարողության ժամանակ իր ելույթում Շենթոփն ասել է, որ Թուրքիան նպաստում է կրթության ոլորտում հավասար հնարավորությունների ապահովմանը` բազմաթիվ երկրներում որակյալ կրթության հնարավորություններ ապահովելով։
Մուսթաֆա Շենթոփն այցելել է նաև Թեֆեյյուզի հիմնական դպրոց, որը կրթություն է տալիս թուրքերենով, և Սուլթան Մուրաթ մզկիթ, որը վերականգնվել է Թյուրքիյեյի համագործակցության և համակարգման գործակալության (TIKA) կողմից։
Շենթոփը և նրան ուղեկցող պատվիրակությունը կմասնակցեն «Դեկտեմբերի 21-ի թուրքերենի փառատոնի» շրջանակներում Սկոպյեում կայանալիք ծրագրին։