Նախագահ Էրդողանը մեկնել է Քաթար

Նախագահ Էրդողանի պատվին ընթրիք է կազմակերպել Քաթարի էմիր Շեյխ Թամիմ բին Համեդ Ալ Սանիի հայրը՝ էմիր շեյխ Համեդ բին Խալիֆա Ալ Սանին։

Մայրաքաղաք Դոհայում կայացած ընթրիքը, որին մասնակցել են նախագահ Էրդողանը և նրա կինը՝ Էմինե Էրդողանը, փակ է եղել լրատվամիջոցների համար։

Էրդողանի՝ Քաթար կատարած այցի ընթացքում կքննարկվեն երկու երկրների հարաբերություններն իրենց բոլոր հարթություններով, մտքեր կփոխանակվեն տարածաշրջանային զարգացումների, մասնավորապես՝ Աֆղանստանի, Սիրիայի ու Լիբիայի շուրջ։

Էրդողանի՝ Քաթար կատարած այցի ընթացքում քայլեր կձեռնարկվեն առկա համագործակցությունը մեծացնելու ուղղությամբ։

Այս համատեքստում տեղի կունենա Թուրքիա-Քաթար բարձր ռազմավարական կոմիտեի 7-րդ հանդիպումը։

Կոմիտեի նիստերի արդյունքում, որոնցից առաջինը կայացել է 2015 թվականին երկու երկրների միջև, ստորագրվել են 62 համաձայնագրեր բազմաթիվ ոլորտներում՝ առեւտրից մինչեւ էներգետիկա, պաշտպանությունից մինչեւ արդյունաբերություն։

7-րդ հանդիպմանը, որը նախագահելու են Էրդողանն ու Ալ Սանին, կստորագրվեն տարբեր պայմանագրեր։