Նախագահ Ռեջեփ Թայիփ Էրդողանն այսօր պաշտոնական այցով մեկնում է Քաթար
Նախագահ Էրդողանին մայրաքաղաք Դոհայում պաշտոնական արարողությամբ կդիմավորի Քաթարի էմիր շեյխ Թամիմ բեն Համեդ ալ Սանի։
1743345
Արարողությունից հետո երկու երկրների ղեկավարները կկատարեն առանձնահանդիպում։ Հանդիպմանը, որտեղ կքննարկվեն Թուրքիա-Քաթար հարաբերությունների բոլոր ասպեկտները, կխորհրդակցեն տարածաշրջանային զարգացումների, մասնավորապես՝ Աֆղանստանի, Սիրիայի եւ Լիբիայի շուրջ։
Նախագահ Էրդողանի՝ Քաթար կատարած այցի ընթացքում քայլեր կձեռնարկվեն առկա համագործակցությունը մեծացնելու ուղղությամբ։
Այս համատեքստում տեղի կունենա Թուրքիա-Քաթար բարձր ռազմավարական կոմիտեի 7-րդ հանդիպումը։
Կոմիտեի նիստերի արդյունքում, որոնցից առաջինը կայացել է 2015 թվականին երկու երկրների միջեւ, ստորագրվել են 62 համաձայնագրեր բազմաթիվ ոլորտներում՝ առեւտրից էներգետիկա, պաշտպանությունից մինչեւ արդյունաբերություն։
7-րդ հանդիպմանը, որը նախագահելու են Էրդողանն ու Ալ Սանին, կստորագրվեն տարբեր պայմանագրեր։