Թուրքական Մամուլ
22․06․2021
Սաբահ․ «Էրդողանը հայտարարեց կառավարության նիստի որոշումները »
Նախագահ Ռեջեփ Թայիփ Էրդողանը, երեկ կառավարության նիստից հետո արած հայտարարության մեջ, հայտարարել է, որ հուլիսի 1-ից իրենք ամբողջությամբ վերացրել են պարետային ժամերը Թուրքիայում: «Covid -19» պատվաստումների ծրագրի վերաբերյալ Էրդողանն ասաց. «Մենք այն երկիրն ենք, որն աշխարհում ամենաշատ պատվաստումներն է կատարել վերջին շաբաթվա իր բնակչության համեմատ»:
Հյուրրիյեթ․ «Գերմանիայից Թուրքիայի հայտարարություն»
Գերմանիայի արտաքին գործերի նախարար Հեյկո Մաասը պահանջեց թարմացնել Եվրամիության (ԵՄ) եւ Թուրքիայի միջեւ միգրացիոն համաձայնագիրը: Մաասը Welt օրաթերթին կատարած հարձազրույցում ասեց․ «Չնայած Թուրքիայի կառավարության հետ ունեցած բոլոր դժվարություններին, պետք է խոստովանել, որ այս երկիրը մեզ համար վերցրել է միգրացիոն աննշան բեռը»։
Սթար․ «Թուրքիայի հետ պատրաստ ենք համագործակցության»
Ուկրաինայի պետական տիեզերական գործակալության նախագահ Վոլոդիմիր Թաֆթայը հայտարարել է, որ իրենք կարող են Թուրքիայի հետ համատեղ բազմաթիվ նախագծեր իրականացնել ինչպես տիեզերական, այնպես էլ պաշտպանական արդյունաբերության ոլորտում: Թաֆթայը հայտարարել է, որ Թուրքիան առաջնային գործընկեր է Ուկրաինայի համար, համագործակցության համախմբմամբ Ուկրաինան եւ Թուրքիան կարող են տիեզերական հրթիռներ կամ արբանյակներ ուղարկել:
