Թայվանում տեղի ունեցած 7,4 մագնիտուդ երկրաշարժի հետեւանքով 4 մարդ է զոհվել

Ամերիկյան երկրաբանական ծառայությունը (USGS) հայտնել է, որ 7,4 մագնիտուդով երկրաշարժի էպիկենտրոնը գտնվել է Թայվանի արևելյան ափին գտնվող Հուալիեն քաղաքից 18 կիլոմետր հարավ։

34,8 կիլոմետր խորության վրա տեղի ունեցած երկրաշարժի հետեւանքով վնասներ են հասցվել շրջանի բնակավայրերին, նախնական տվյալներով՝ 4 մարդ զոհվել է, 90-ը՝ վիրավորվել։

Մինչ Թայվանի Կենտրոնական օդերևութաբանական վարչությունը (CWA) հայտարարել է երկրաշարժի ուժգնությունը 7,2 բալ, նշվել է, որ Հուալիեն քաղաքում բազմաթիվ շենքեր վնասվել և ավերվել են։

Հուալիենի արևելյան ափին գտնվող Սուհուա արագընթաց մայրուղին փակվել է երթևեկության համար՝ փլուզումների պատճառով, փլուզվել է նաև Տաոյուան ​​միջազգային օդանավակայանի առաստաղի մի մասը։

Հուալիենի շրջակայքում և կղզու ինտերիերում շատ ճանապարհներ փակվել են տրանսպորտային միջոցների համար՝ փլուզումների և ժայռերի անկման պատճառով:

Թայվանի Կենտրոնական օդերևութաբանական վարչությունը հայտարարել է, որ սա Թայվանում տեղի ունեցած ամենաուժեղ երկրաշարժն է վերջին 25 տարվա ընթացքում և ցունամիի նախազգուշացում է հրապարակել կղզու հյուսիսային շրջանների համար։