Բլինկենը հանդիպել է Բայրամովի և Միրզոյանի հետ
Միացյալ Նահանգների (ԱՄՆ) ԱԳ նախարար Էնթոնի Բլինկենը Վաշինգտոնում հանդիպել է Ադրբեջանի արտգործնախարար Ջեյհուն Բայրամովի և Հայաստանի արտգործնախարար Արարատ Միրզոյանի հետ։
Պետքարտուղարության խոսնակ Մեթյու Միլլերն ամենօրյա ասուլիսում հայտարարել է, որ Բլինկենը հյուրընկալել է Բայրամովին և Միրզոյանին «խաղաղության բանակցությունների շրջանակներում»։
Միլլերն ասաց․
«Քանի որ Միացյալ Նահանգները շարունակում է հետամուտ լինել Հարավային Կովկասի տարածաշրջանի խաղաղ ապագային, ուրախ է այս շաբաթ ողջունել Հայաստանի արտգործնախարար Միրզոյանին և Ադրբեջանի արտգործնախարար Բաջրամին՝ բանակցությունները հեշտացնելու համար»:
Միլլերը կիսվել է, որ Բլինկենը սկզբում հանդիպել է երկու նախարարների հետ առանձին, իսկ հետո խաղաղ բանակցությունները շարունակվել են եռակողմ հանդիպումով ու ասաց․
«Բլինկենը երկու հանդիպումներում էլ ընդգծել է, որ ուղղակի երկխոսությունը հիմնախնդիրների լուծման հարցում կայուն և արժանապատիվ խաղաղության հասնելու բանալին է»։
Միլլերն ասել է, որ Միացյալ Նահանգները «խրախուսված են» Հայաստանի և Ադրբեջանի վերջին ջանքերով՝ արդյունավետորեն ներգրավվել խաղաղ գործընթացում, և որպես երկիր «կշարունակի աջակցել ամեն կերպ»՝ զարգացնելու այդ թափը:
