Զելենսկի․ Մեծ վճռականությամբ պատրաստվում ենք հարձակվել Ռուսաստանի վրա
Ուկրաինայի նախագահ Վլադիմիր Զելենսկին հայտարարել է, որ իրենք մեծ վճռականությամբ են պատրաստվում հարձակվել Ռուսաստանի վրա 2022 թվականի փետրվարի 24-ին սկսված պատերազմում։
Զելենսկին այցելել է Իտալիա, ապա մեկնել Գերմանիա։
Զելենսկին, ով բանակցություններ էր վարում Իտալիայում, իտալական պետական հեռուստատեսությամբ պատասխանել է լրագրողների հարցերին։
Զելենսկին հայտարարել է, որ իրենք մեծ վճռականությամբ են պատրաստվում պատերազմում Ռուսաստանի դեմ հարձակմանը, որ կարճ ժամանակում կարևոր քայլեր են ձեռնարկելու, և իրենք մոտիվացված են դա անելու։
Ուկրաինայի նախագահը նաև առաջարկել է, որ եթե ուկրաինական բանակը հասնի Ղրիմի սահման, ապա Ռուսաստանում նախագահ Վլադիմիր Պուտինին աջակցությունը կնվազի։
Անդրադառնալով Չինաստանի նախագահ Սի Ցզինպինի հետ ունեցած հեռախոսազրույցին՝ Զելենսկին նշել է, որ Սին իրեն ասել է, որ իրենք զենք չեն մատակարարի Ռուսաստանին և չեն աջակցի Ռուսաստանին։
Զելենսկին իտալական իր շփումների շրջանակում հանդիպել է նախագահ Սերջիո Մատարելլայի, վարչապետ Ջորջիա Մելոնիի և Հռոմի պապ Ֆրանցիսկոսի հետ։ Ուկրաինայի ղեկավարը, այնուհետեւ մեկնել է Գերմանիա։
Գերմանիայի պաշտպանության նախարարությունը հայտարարել է, որ Ուկրաինա կուղարկվի 3 միլիարդ դոլարի զինտեխնիկա։
Դաշտում շարունակվում են դաժան բախումները.
Ռուսաստանի Բրյանսկ քաղաքում ռազմական ինքնաթիռ և ուղղաթիռ են խոցել։
Ուկրաինայի պաշտպանության նախարարությունը հայտարարել է, որ Բահմուտում առաջընթաց է գրանցվել երկու ուղղությամբ. Հայտարարության մեջ նշվում էր, որ իրավիճակն ավելի բարդ է քաղաքի կենտրոնում։
