Բայդեն․ Կպաշտպանենք ՆԱՏՕ-ի յուրաքանչյուր թիզը
Ջո Բայդեն, Միացյալ Նահանգների նախագահն ասել է․
«Մենք կպաշտպանենք ՆԱՏՕ-ի բառացիորեն յուրաքանչյուր թիզը»։
Լեհաստանի մայրաքաղաք Վարշավայում հանդիպելով Բուխարեստի ինը (B9) առաջնորդների և ՆԱՏՕ-ի գլխավոր քարտուղար Յենս Ստոլտենբերգի հետ՝ Ջո Բայդենը հանդիպումից առաջ գնահատականներ է տվել։
Բայդենը շնորհակալություն է հայտնել նրան՝ ասելով, որ ուրախ է ՆԱՏՕ-ի հզոր դաշնակիցների հետ միասին լինելու համար, և որ Սթոլթենբերգը մինչ այժմ «հրաշալի աշխատանք է կատարել»։
Հիշեցնելով, որ B9 դաշինքը հիմնադրվել է 2015 թվականին, Բայդենը ասել է․
«Այսօր, երբ մոտենում ենք Ռուսաստան ներխուժման առաջին տարելիցին, ավելի կարևոր է, որ մենք շարունակենք միասին լինել, և ես կարծում եմ, որ դա վկայում է այն բանի, թե որքան ուժեղ ենք մենք զգում»:
Ընդգծելով ՆԱՏՕ-ի արևելյան թևի երկրների կարևորությունը՝ Բայդենն ասել է. «Դուք մեր հավաքական պաշտպանության առաջնագծում եք: Այս հակամարտությունը կարևոր է ժողովրդավարության ազատության համար ոչ միայն Ուկրաինայում, այլև ամբողջ Եվրոպայում և աշխարհում: Մենք կարևորագույն աջակցություն ենք ցուցաբերում Ուկրաինային անվտանգության ոլորտում և կարևոր աջակցություն բառացիորեն միլիոնավոր փախստականների: Մենք շարունակելու ենք մեր մշտական աջակցությունն Ուկրաինային»։
Բայդենն ասել է, որ ցանկանում է կրկնել ՆԱՏՕ-ի հանդեպ իր պարտավորությունները:
«Հոդված 5-ը սուրբ պարտավորություն է, մենք կպաշտպանենք ՆԱՏՕ-ի բառացիորեն յուրաքանչյուր թիզը»:
Յենս Ստոլտենբերգը հայտարարել է, որ ՌԴ նախագահ Վլադիմիր Պուտինը պատրաստ չէ խաղաղության ու շարունակեց․
«Ընդհակառակը, նա պատրաստվում է ավելի շատ պատերազմների, հետևաբար, մենք պետք է շարունակենք և մեծացնենք մեր աջակցությունը Ուկրաինային, մենք պետք է տանք Ուկրաինային այն, ինչ անհրաժեշտ է հաղթանակի համար»:
Բուխարեստի իննյակը որը ՆԱՏՕ-ի արևելյան թևերի՝ Բուլղարիա, Չեխիա, Էստոնիա, Հունգարիա, Լատվիա, Լիտվա, Լեհաստան, Ռումինիա և Սլովակիա մի մասն է, ստեղծվել է 2015 թվականի նոյեմբերի 4-ին Ռումինիայի մայրաքաղաք Բուխարեստում:
