Երկրաշարժից տուժածներին գնություն է ուղարկել նաև Աֆղանստանի Կարմիր մահիկը

Թալիբանի ժամանակավոր կառավարությանը կից Աֆղանստանի Կարմիր մահիկի նախագահ Մևլևի Մեթիուլլահ Հալիսը ցավակցական այց է կատարել Քաբուլում Թյուրքիյեյի դեսպանատուն՝ երկրաշարժի հետևանքով զոհվածների համար։

Հալիսը, ով իր ցավակցական ուղերձները գրել է այստեղ բացված ցավակցական գրքում, մաղթել է Աստծո ողորմություն երկրաշարժից զոհվածներին, իսկ վիրավորներին՝ շուտափույթ ապաքինում։

Հայտարարելով, որ Թյուրքիյեն իր մարդասիրական օգնությունով ամենադժվար ժամանակներում կանգնած է աֆղան ժողովրդի կողքին, Հալիսը մոտ 940 հազար թուրքական լիրա գումար է փոխանցել Քաբուլում Թյուրքիյեյի դեսպան Ջիհադ Էրգինային՝ աղետից տուժածներին ուղարկելու համար։

Էրգինայը, ով շնորհակալություն է հայտնել Աֆղանստանի Կարմիր մահիկին խնդրո առարկա աջակցության համար, հայտարարել է, որ երկու երկրներն աջակցել են միմյանց պատմության ընթացքում դժվարին պահերին։

Անցյալ շաբաթ Քահրամանմարաշում տեղի ունեցած 7,7 և 7,6 մագնիտուդ ուժգնությամբ երկրաշարժերը, որոնք տուժել են 10 նահանգներում, հազարավոր կյանքեր են արժեցել և որակվել որպես «դարի աղետ»։