Ֆինանսական օգնություն Պուտինից կռվող զինվորների ընտանիքներին

Պուտինի ստորագրած որոշումը, որը ներառում է լրացուցիչ սոցիալական երաշխիքներ ռուս զինվորների, անվտանգության ուժերի և նրանց ընտանիքների համար, հրապարակվել է Ռուսաստանի պետական ​​իրավունքի տեղեկատվական կայքում։

Որոշման համաձայն՝ Ուկրաինայում «հատուկ ռազմական գործողության ժամանակ» զոհված զինծառայողների, ՆԳՆ-ի և Ռուսաստանի ազգային գվարդիայի անդամների ընտանիքներին կվճարվի միանվագ 5 մլն ռուբլի (մոտ 71 հազար 500 դոլար)։

Բացի այդ, 3 միլիոն ռուբլի (մոտ 42 հազար 900 դոլար) կվճարվի խնդրո առարկա անձանց, եթե նրանք վիրավորվեն, տրավմատանան կամ ցնցվեն։

Ստորագրման օրվանից ուժի մեջ մտած որոշումը կտարածվի փետրվարի 24-ին պատերազմի սկզբից զոհված և վիրավորված զինվորների ընտանիքների վրա։