Բաերբոք․ Գերմանիան պետք է պատրաստ լինի ավտորիտար ռեժիմների հետ համակարգերի մրցակցությանը
Գերմանիայի արտաքին գործերի նախարար Անալենա Բաերբոքը հայտարարել է, որ իր երկրի տնտեսական կախվածությունը Ռուսաստանի հետ չպետք է կրկնվի Չինաստանի հետ։
Աննալենա Բաերբոքը, ելույթ ունենալով մայրաքաղաք Բեռլինում Կոերբեր հիմնադրամի կողմից կազմակերպված արտաքին քաղաքականության ֆորումում, ընդգծել է, որ իր երկիրը պետք է պատրաստ լինի «ավտորիտար ռեժիմների հետ համակարգերի մրցակցությանը»։
Ուշադրություն հրավիրելով Ռուսաստանի հետ վերջին հարաբերություններում թույլ տված սխալներից դասեր քաղելու անհրաժեշտության վրա՝ Բաերբոքն ասել է․
«Գերմանիան անտեսեց իր արևելաեվրոպական գործընկերների նախազգուշացումները ռուսական էներգիայից իր կախվածության մասին։ Պետք է այնպես անենք, որ նման սխալ չկրկնենք։ Սա նշանակում է, որ մենք պետք է սա ավելի վստահորեն հաշվի առնենք Չինաստանի նկատմամբ մեր քաղաքականության մեջ»։
Գերմանիայի կանցլեր Օլաֆ Շոլցը անցյալ շաբաթ իր երկրում կայացած բիզնես ֆորումում հայտարարեց, որ սխալ մոտեցում կլինի «խզել տնտեսական կապերը»՝ մրցակցության մեջ Չինաստանի հետ։
