ՄԱԿ-ում ԱՄՆ ներկայացուցիչը շնորհակալություն է հայտնել Թուրքիային
Լինդա Թոմաս Գրինֆիելը շնորհակալություն է հայտնել Թուրքիային սիրիացի փախստականներին ընդունելու համար։
ՄԱԿ-ում Ամերիկայի Միացյալ Նահանգների (ԱՄՆ) մշտական ներկայացուցիչ Լինդա Թոմաս Գրինֆիելը շնորհակալություն է հայտնել Թուրքիային սիրիացի փախստականներին ընդունելու առատաձեռնության, Ուկրաինայի ինքնիշխանությանն ու տարածքային ամբողջականությանը աջակցելու և ուկրաինացի ժողովրդին ցուցաբերած օգնության համար։
ՄԱԿ-ում ԱՄՆ մշտական ներկայացուցչության հայտարարության համաձայն՝ Թոմաս Գրինֆիլդը Բելգիայի մայրաքաղաք Բրյուսելում հանդիպել է փոխարտգործնախարար Սեդաթ Օնալի հետ՝ Սիրիայի ժողովրդին աջակցության հարցով հանդիպման համար։
Քննարկելով ԹուրքիայիՋիլվեգյոզու սահմանային դարպասի միջոցով Սիրիային ՄԱԿ-ի անդրսահմանային օգնության շարունակությունը՝ Թոմաս Գրինֆիլդը շնորհակալություն է հայտնել Սեդաթ Օնալին՝ Թուրքիայի հյուրընկալած ավելի քան 3,7 միլիոն փախստականների հանդեպ ցուցաբերած արտասովոր առատաձեռնության համար։
Թոմաս Գրինֆիլդն ասել է, որ փախստականների վերադարձը Սիրիա պետք է լինի անվտանգ, արժանապատիվ և կամավոր։
ԱՄՆ դեսպանը նաև շնորհակալություն է հայտնել Թուրքիային Ուկրաինայի ինքնիշխանությանն ու տարածքային ամբողջականությանը աջակցելու համար, որին Ռուսաստանը պատերազմ է հայտարարել փետրվարի 24-ին, ինչպես նաև ուկրաինացի ժողովրդին ցուցաբերած օգնության համար։