Եվրամիությունը որոշել է եւս 6 ամսով երկարաձգել Ռուսաստանի դեմ տնտեսական պատժամիջոցները
Եվրամիությունը որոշել է եւս 6 ամսով երկարաձգել Ռուսաստանի դեմ տնտեսական պատժամիջոցները՝ պատճառաբանելով, որ դա ապակայունացրել է Ուկրաինան։
Եվրոպական խորհրդի հայտարարության մեջ նշվում է, որ որոշվել է երկարաձգել Ռուսաստանի տնտեսության դեմ ուղղված պատժամիջոցները մինչեւ 2022 թվականի հուլիսի 31-ը։
Հայտարարությանը նշել են, որ պատժամիջոցների երկարաձգման որոշումն ընդունվել է դեկտեմբերի 16-ին ԵՄ առաջնորդների գագաթնաժողովում Մինսկի պայմանավորվածությունների կատարման վերջնական գնահատման արդյունքում։
Ընդլայնված տնտեսական պատժամիջոցների համաձայն՝ ԵՄ անդամ երկրները զենք չեն վաճառում Ռուսաստանին։
Պատժամիջոցները սահմանափակում են Ռուսաստանի կողմից ԵՄ երկրներից նավթի և գազի արդյունաբերության մեջ օգտագործվող որոշ զգայուն տեխնոլոգիաների գնումը։ Բացի այդ, Ռուսաստանի պետական բանկերը դուրս են մնում Եվրոպայի ֆինանսական հատվածից:
Պատժամիջոցները երկարաձգվում են 6 ամիսը մեկ։ Գործող պատժամիջոցների ժամկետը կլրանա 2022 թվականի հունվարի 31-ին։
Ռուսաստանը 2014 թվականի մարտի 18-ին անօրինական կերպով միացրել է Ղրիմի Ինքնավար Հանրապետությունը եւ Սեւաստոպոլ քաղաքը։ Ռուսաստանի կողմից Ղրիմի բռնակցումից ու Ուկրաինայի արեւելքում տեղի ունեցած իրադարձություններից հետո ԵՄ-ն, ԱՄՆ-ը եւ որոշ երկրներ սկսեցին տնտեսական պատժամիջոցներ կիրառել Ռուսաստանի դեմ։ ԵՄ-ն առաջին անգամ Ռուսաստանի դեմ տնտեսական պատժամիջոցներ կիրառելու որոշումն ընդունել է 2014թ.
Բացի տնտեսական պատժամիջոցներից, ԵՄ-ն ունի նաեւ դիվանագիտական միջոցներ Ռուսաստանի դեմ, անհատական պատժամիջոցներ, ինչպիսիք են ֆիզիկական անձանց նկատմամբ ճանապարհորդության արգելքը եւ ակտիվների սառեցումը: