Լիբիայում իրավական խնդիրների պատճառով չեն կարողացել ընտրություններ անցկացնել

Հանձնաժողովի նախագահ Իմադ էս-Սայիհը եւ ազգային անվտանգության հարցերով խորհրդական Իբրահիմ Բուշնաֆը հանդիպել են մայրաքաղաք Տրիպոլիում։

Հանդիպման ընթացքում քննարկվել են հետաձգված ընտրությունները, որոնք նախատեսվում էր անցկացնել դեկտեմբերի 24-ին, եւ դրա պատճառները։

Հանձնաժողովի գրավոր հայտարարության համաձայն՝ Սայիհն ու Բուշնաֆը հայտարարել են, որ ընտրությունները չեն կարող անցկացվել ժամանակին իրավական եւ օբյեկտիվ խնդիրների պատճառով, եւ կոչ են արել լիբիական կողմերին «երկիրը ընտրությունների միջոցով հաջորդ փուլ տանելու հարցում ստանձնել իրենց պարտականությունները»։

Լիբիայի Ազգային բարձրագույն ընտրական հանձնաժողովն առաջարկել է նախագահական ընտրությունները, որոնք պետք է կայանան 2021 թվականի դեկտեմբերի 24-ին, որոշ տարաձայնությունների պատճառով տեղափոխել 2022 թվականի հունվարի 24-ը։