اسرائیل کوچلری تینچ اهالی گه هجوم اویوشتیریش گه دوام ایتماقده

اسرائیل غزه قیرغاغی نینگ شمالي‌گه اویوشتیرگن ایکّی ایریم‌ هجومده 88 کیشی حیاتینی یوقاتدی.

فلسطین رسمي آژانسی وفاده اورین آلگن خبرگه کوره‌، اسرائیل اوروش اوچاقلری مشروع بېت لا‌هيه حدودیده‌گی کما‌ل ادوا‌ن کسلخانه‌سی اطرافیده‌گی تورر جایلرنی بمباردمانگه توتدی.

دستلبکی معلوماتگه کوره‌، کوپی‌ باله‌لر بولگن 66 فلسطینلیک حیاتینی یوقاتدی، 100 کیشی یره‌لندی.

اسرائیل اردوسی نینگ غزه‌ نینگ شمالي گه اویوشتیرگن ایکّینچی هجومیده، شیخ رضوان محله‌سیده‌گی بیر اوینی بامباردمانگه توتیشی عاقبتیده، 10 ته سی باله‌ و 5 ته سی عیال توپلم 22 فلسطینلیک حیاتینی یوقاتدی.

شاهدلر نینگ ایتیشیچه، کوپلب آدملر حلی هم ییقیلگن بنالر آستیده قالماقده.

اسرائیل ملکی حمایه‌ قیلیش تیزیملرینی ایشدن چیقرگنی سببلی، قوتقروو ایشلری محلي اهالی نینگ اوزی، قولده و جوده‌ عادي امکانلر بیلن عملگه آشیریلماقده.

کسلخانه خادملری هم ییقیلگن بنالر آستیدن آدملرنی قوتقریش ایشلریگه قتنشماقده.

کسلخانه‌لرده خادملر سانی چېکلنگن بولیشی و اسرائیل نینگ ینگی طبي گروهلرنینگ کیریشی گه توسیق بولیشی طفیلی یره‌لیلرگه محدود روشده یاردم بېریلماقده.