اسرائیل نینگ هجوملریده اوتیز اوچ مینگ گه یقین فلسطینلیک حیاتینی یوقاتدی

اسرائیل اردوسی نینگ غزه نواری گه قره ته 7- اوکتوبر دن بیری اویوشتیریب کیلیاتگن هجوملریده حیاتینی یوقاتگن فلسطینلیک لر سانی 32 مینگ 975 نفر گه ییتدی. 

غزه ده گی فلسطین ساغلیق نی سقلش وزیریلیگی سوزچیسی اشرف القدره, اسرائیل نینگ 180 کوندن بیری دوام ایتیاتگن غزه نواری گه قره تیلگن هجوملری بیلن علاقه لی معلومات بیردی. 

القدره, اسرائیل کوچلری نینگ سونگّی 24 ساعتده غزه نواری گه قره ته اویوشتیرگن هجوملریده ینه 59 نفر فلسطینلیک نینگ حیاتینی یوقاتگن لیگی, 83 نفر فلسطینلیک نینگ ایسه یره لنگن لیگینی بیلدیردی. 

سوزچی, اسرائیل نینگ 7- اوکتوبر دن بیری دوام ایتیاتگن غزه نواری گه قره تیلگن هجوملریده حیاتینی یوقاتگن فلسطینلیک لر سانی نینگ 32 مینگ 975 و یره لنگن لر سانی نینگ ایسه 75 مینگ 577 نفر گه ییتگن لیگینی معلوم قیلدی. 

القدره, حاضرگی کونده هم ویران بولیب قالگن اوی لرنینگ تگیده و یول چیککه لریده جسد لرنینگ موجود ایکن لیگی و اسرائیل کوچلری نینگ ممانعتی باعث ساغلیق نی سقلش و ملکی مدافعه تیم لری نینگ جنازه لرنینگ توپله یه آلمه یاتگن لیگینی بیلدیردی.