اسرائیل اردوسی یاردم کوتیب تورگن فلسطینلیک لرنی اوردی

اسرائیل اردوسی نینگ, غزه نواریده بشری یاردم آلیب کیلیاتگن موتر لرنی کوتیب تورگن فلسطینلیک لرنی هدف قیلیب آلیشی عاقبتیده 7 نفر حیاتینی یوقاترایکن, 20 دن آرتیق کیشی ایسه یره لندی. 

غزه نواریده گی ملکی مدافعه بولیمی سوزچیسی محمود بسال, اسرائیل اردوسی نینگ, غزه نینگ شرقیده گی کویت تورت یولی یقینیده یاردم آلیب کیلیاتگن موتر لرنی کوتیب تورگن فلسطینلیک لرنی هدف قیلیب آلگن لیگینی بیلدیردی. 

بسال, اوشبو حادثه عاقبتیده یاردم کوتیب تورگن کیشی لردن ایریم لری نینگ حیاتینی یوقاتگن لیگی و یره لنگن لیک لرینی معلوم قیلدی. 

فلسطین رسمی خبر آژانسی وفا ایسه, اوشبو حادثه عاقبتیده 7 نفر نینگ حیاتینی یوقاتگن لیگی و 20 دن آرتیق کیشی نینگ یره لنگن لیگینی بیلدیردی. 

اسرائیل اوروش اوچاق لری نینگ, جنوبده گی رفح شهری نینگ السعودی محله سیده بیر اوی نی بمباران قیلیشی عاقبتیده هم ایریم کیشی لرنینگ یره لنگن لیگی ایسله تیلدی. 

عینی دمده خان یونس شهری نینگ عبسان الکبیره و حوزعه منطقه لری نینگ توپ بیلن اوریلیشی عاقبتیده کوپلب کیشی نینگ حیاتینی یوقاتگن لیگی و یره لنگن لیگی بیلدیریلدی. 

اسرائیل نینگ 7- اوکتوبر دن بیری دوام ایتیاتگن غزه گه قره تیلگن هجوملریده 31 مینگ 112 نفر فلسطینلیک حیاتینی یوقاترایکن, 72 مینگ 760 کیشی ایسه یره  لندی. 

حیاتینی یوقاتگن لرنینگ کمیده 13 مینگ 500 نفری باله لر و 9 مینگ کیشی سی ایسه عیاللردن عبارت.