اسرائیل نینگ هجوملریده ینه یوز دن آرتیق فلسطینلیک حیاتینی یوقاتدی

اسرائیل نینگ غزه گه قره تیلگن هجوملریده سونگّی 24 ساعتده ینه 118 نفر فلسطینلیک حیاتینی یوقاتدی. 

شونده ی قیلیب 7- اوکتوبردن بیری دوام ایتیاتگن اسرائیل نینگ اوشبو هجوملریده حیاتینی یوقاتگن فلسطینلیک لر سانی 29 مینگ 313 نفر گه ییتدی. 

غزه ده گی فلسطین ساغلیق نی سقلش وزیرلیگی تامانیدن بیریلگن یازمه بیاناتده, اسرائیل نینگ 138 کوندن بیری دوام ایتیاتگن هجوملری حقیده معلومات بیریلدی. 

بیاناتده, سونگّی هجوملرده 118 کیشی نینگ حیاتینی یوقاتگن لیگی و منطقه ده اولدیریلگن فلسطینلیک لر سانی نینگ 29 مینگ 313 نفر گه ییتگن لیگی بیلدیریلدی.

عینی دمده بیاناتده, اسرائیل کوچلری نینگ ینه 163 نفر فلسطینلیک نی یره له گن لیگی و شونده ی قیلیب یره لنگن لر سانی نینگ 69 مینگ 333 نفر گه ییتگن لیگی ایسله تیلدی. 

بیاناتده, حاضر هم ویران بولیب قالگن اوی لرنینگ تگی و یول چیککه لریده جسد لرنینگ موجود ایکن لیگی لیکن اسرائیل کوچلری نینگ ممانعتی سببلی ساغلیق نی سقلش تیم لری نینگ جنازه لرنی توپله یه آلمه یاتگن لیگی معلوم قیلیندی.