غزه نواریده ینه بیر ژورنالیست اولدیریلدی

اسرائیل اردوسی تامانیدن 7 اکتوبردن بیری آلیب باریلگن غزه نواریگه قره ته هجوملریده ینه بیر ژورنالیست حیاتینی یوقاتدی.

غزه ده گی حکومت نینگ ییتکیرمه باشقرووی تامانیدن بیریلگن یازمه بیاناتده، غزه نواریده گی فلسطین علاقه مرکزی باشلیغی رزق الغرابل نینگ اسرائیل اردوسی تامانیدن خان یونس شهریده گی ملکی تورر جایلرگه قره ته اویوشتیریلگن هجوملر عاقبتیده حیاتینی یوقاتگن لیگی بیلدیریلدی.

بیاناتده اسرائیل نینگ هجوملریده اولدیریلگن ژورنالیست سانی نینگ 123 گه ییتگن لیگی قید ایتیلدی.

شونده ی بولیب اسرائیل اردوسی نینگ 22 جنوریدن بیری غزه نواری نینگ جنوبیده جایلشگن خان یونس شهریگه قره ته هجوملری نینگ اوزلیکسیز دوام ایتیب تورگن لیگی افاده ایتیلدی.

فلسطین مقاومت حرکتی حماس نینگ حربی ترماغی عزت الدین القسام کوچلری 7 اکتوبرده اسرائیل نینگ "فلسطین لیکلر قاله ویرسه مسجد اقصی گه قره ته اخلاللریگه جواب بیریش" مقصدی بیلن «اقصی طوفانی» آتیده کینگ بیر هجوم باشلتگن لیگینی بیلدیرگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگندی.

خوددی شو هجوملرده کوپراغی باله و خاتین – قیزدن عبارت 28 مینگدن آرتیق فلسطینلیک اولدیریلدی.

غزه ده قالدیقلر آستیده حلی هم مینگلب اولیک بارلیگی معلوم قیلینماقده. خلق سیغینگن کسلخانه و تعلیم مرکزلری نشان آلیب اوریلماقده و آست قوریشلر یوق قیلیب تشلنماقده.