اسرائیل نینگ هجوملری عاقبتیده ینه اونلب نفر فلسطینلیک حیاتینی یوقاتدی

اسرائیل نینگ, 7- اوکتوبر دن بیری دوام ایتیاتگن غزه نواری گه قره تیلگن هجوملریده حیاتینی یوقاتگن فلسطینلیک لر سانی 27 مینگ 131 نفر گه ییتدی. 

غزه ده گی فلسطین ساغلیق نی سقلش وزیرلیگی نینگ سوزچیسی اشرف القدره بیرگن بیاناتیده, 119 کوندن بیری دوام ایتیاتگن اسرائیل نینگ غزه نواری گه قره تیلگن هجوملری حقیده معلومات بیردی.

اسرائیل کوچلری نینگ سونگّی 24 ساعتده غزه نواری ده 112 نفر فلسطینلیک نی اولدیرگن لیگی و 148 نفر فلسطینلیک نی ایسه یره له گن لیگی معلوم قیلیندی. 

غزه ده 7- اوکتوبر دن بیری اسرائیل نینگ هجوملریده اولدیریلگن فلسطینلیک لر سانی نینگ 27 مینگ 131 و یره لنگنلر سانی نینگ ایسه 66 مینگ 287 نفر ییتگن لیگی بیلدیریلدی. 

سوزچی, حاضر هم ویران بولگن اوی لرنینگ تگی و یول چیککه لریده جسد لرنینگ موجود ایکن لیگی لیکن اسرائیل کوچلری نینگ ممانعت لری سببلی ساغلیق نی سقلش تیم لری نینگ اوشبو جنازه لرنی توپله آلمه یاتگن لیگی گه دقت قره تدی.