تورکیه ملی استخبارات تشکیلاتی تامانیدن بیر نفر تروریست جنگری قولگه آلیندی

تورکیه ملی استخبارات تشکیلاتی میت، فرات قلقانی و زیتون یاله سی عملیاتی ساحه سیده گی تورک خوفسیزلیک کوچلریگه قره ته ترورچیلیک هجومی تیارگرلیگی کورگن ترور تشکیلاتی داعش نینگ اوزیچه مسؤلی عبدالله الجُندی نی سوریه نینگ حلب شهریده قولگه کیریتیب آلدی.

خوفسیزلیک منبعلریدن قولگه کیریتیلگن معلوماتگه کوره، تورکیه ملی استخبارات تشکیلاتی میت داعش نینگ اوزیچه مسؤلی « خطاب المهاجر» کود آتیده گی عبدالله الجُندی نینگ سوریه ده گی تورک خوفسیزلیک کوچلری نینگ واسطه لریگه قره ته ترورچیلیک هجومی اویوشتیریش نی ریجه له گن لیگی تثبیت ایتیلگن.  

تروریست جنگری الجُندی ملی استخبارات تشکیلاتی میت بیلن سوریه ملی اردوسیگه باغلیق محلی خوفسیزلیک کوچلری تامانیدن فرات قلقانی عملیاتی منطقه سیده اویوشتیریلگن عملیات آرقه لی قولگه آلینگن.

الجُندی بیرگن افاده سیده داعش نینگ فرات قلقانی و زیتون یاله سی عملیاتی ساحه سیده گی تورک خوفسیزلیک کوچلریگه قره ته ترورچیلیک هجومی تیارگرلیگی ایچیده ایکن لیگینی اعتراف ایتگن.

ترور تشکیلاتی داعش منسوبلری نینگ شو دایره ده وقت وقتی بیلن کشف فعالیتلری اوتکزگن لیگینی معلوم قیلگن الجُندی ترور چیلیک هجومی اویوشتیریش گه تیار بولگن تشکیلات منسوبلریگه تیگیشلی هم معلومات بیرگن.

خوددی شو عملیات بیلن ترور تشکیلاتی داعش نینگ ترورچیلیک هجومی ریجه لری نینگ خنثی بولگن لیگی ترور تشکیلاتی منسوبلری نینگ تاثیرسیز وضعیت گه کیلتیریلگن لیگی و شونده ی بولیب کوپلب دیجتال اسباب قولگه کیریتیلگن لیگی قید ایتیلدی.