اسرائیل نینگ هجوملریده ینه اونلب نفر فلسطینلیک حیاتینی یوقاتدی

اسرائیل نینگ توناون کیچه محاصره آستیده گی غزه نواری نینگ فرقلی منطقه لری گه قره ته اویوشتیرگن هجوملریده کمیده 45 نفر فلسطینلیک حیاتینی یوقاترایکن, اونلب کیشی ایسه یره لندی. 

فلسطین رسمی خبر آژانسی وفا نینگ بیرگن خبری گه کوره, اسرائیل اوروش اوچاق لری نینگ غزه نواری نینگ جنوبیده گی خان یونس شهری نینگ شرقیده جایلشگن الفخاری منطقه سیده فلسطینلیک بیر عایله نینگ اویی نی بمباردمان قیلدی.  اوشبو حادثه عاقبتیده 11 کیشی حیاتینی یوقاتدی و اونلب نفر ایسه یره لندی.

اسرائیل نینگ غزه نواری نینگ جنوبیده گی رفح شهریده فلسطینلیک بیر عایله نینگ اویی نی هدف قیلیب آلیشی عاقبتیده کمیده 20 کیشی حیاتینی یوقاتدی.

اسرائیل نینگ رفح ده گی شابوره مهاجر لر کمپیده هم فلسطینلیک بیر عایله نینگ اویی نی بمباردمان قیلیشی عاقبتیده کوپلب کیشی حیاتینی یوقاتدی و یره لندی. 

بوندن تشقری اسرائیل اوروش اوچاق لری غزه نواری نینگ اورته قسمیده گی المغازی مهاجر لر کمپنی هم بمباران قیلدی. 

کمپده گی بیر مسجد بیلن بیر قطارده ایکّی اوی نینگ هم هدف قیلیب آلینگن هوا هجومی عاقبتیده 14 کیشی حیاتینی یوقاتدی.