حماس اسیر المه شووی بوییچه شرطلرینی اعلان قیلدی

فلسطین مقاومت حرکتی دن عبارت حماس نینگ سیاسی دفتری اعضاسی اسامه الحمدان, اسرائیل بیلن ینگی اسیر المه شووی بوییچه مهم شرطلری نینگ غزه گه قره تیلگن هجوملرنینگ بوتونله ی توخته تیلیشی دن عبارت ایکن لیگینی معلوم قیلدی. 

حمدان, حماس نینگ لبنان پایتختی بیروتده گی دفتریده ترتیب له گن مطبوعات ییغینیده, اسرائیل نینگ غزه گه قره تیلگن هجوملری و آتشکیسین احتماللری حقیده گپیردی. 

سونگّی پیتلرده اسیر المه شووی مذاکره لری بیلن علاقه لی تشبث لر توغریسیده انچه کوپ گپیریلگن لیگینی معلوم قیلگن حمدان, "حماس نینگ انیق سیاستی شوو؛ خلقی میز گه قره تیلگن نازی (اسرائیل) جرم هجوم لری نینگ توخته شی کیره ک" دییه قید ایتدی. 

غزه خلقی نینگ اسرائیل نینگ قیرغین لری بیلن اخلال بوله دیگن "اوتکینچی بیر آتشکیسین" خواهله مه گن لیگینی معلوم قیلگن حمدان, اوز سوز لرینی, "عکسینچه (غزه خلقی) هجوم لرنینگ کینگ کولملی اوله راق توخته تیلیشی نی کوتماقده. آتشکیسین توغریسیده حاضرچه اویغون بیر تشبث موجود ایمس.  و اشغالچی اردو آرتگه تامان آلغه کیتیش اوچون تکتیک اوزگرتیریش گه حرکت قیلماقده" شکلیده دوام ایتدیردی. 

حمدان, اسرائیل نینگ غزه گه قره تیلگن هجوم لری عاقبتیده 8- اوکتوبردن بیری تقریباً 21 مینگ عادی اهالی نینگ حیاتینی یوقاتگن لیگی و 54 مینگ ملکی نینگ ایسه یره لنگن لیگینی بیلدیردی.