اسرائیل کوچلری مسجد اقصی گه جمعه نمازی اوچون کیلگن فلسطینلیکلرگه رخصت بیرمه دی

اسرائیل اردوسی تامانیدن 7 اکتوبرده غزه نواریگه باشله تیلگن هجوملردن بوگونگه 10 – جمعه تولدی. اشغال آستیده گی بیت المقدس ده جایلشگن مسجد اقصی اسرائیل کوچلری نینگ چیکلاولری طفیلی ینه دییرلی بوش قالدی.

مسجد اقصی اطرافیده گی چیکلاولریگه دوام ایتگن اسرائیل پولیس کوچلری، اوتگن هفته لرده بولگندیک ینه جمعه نماز اوچون مسجد اقصی گه کیلگن فلسطینلیکلرگه توسیق بولدی.

بیت المقدس اسلامی واقفلر باشقرمه سیدن آتینی بیرمه گن بیر کیشی ییتکچی بیرگن بیاناتده، جمعه کونلری نورمال وقتلرده 100 – الی 150 مینگ کیشی صف بولگن مسجد اقصی ده 7 اکتوبردن بیری اوتگن 9 هفته ده بولگندیک بو هفته هم اسرائیل نینگ چیکلاو عملی قیلیشی طفیلی فقط 7 مینگ اطرافیده انسان نینگ نماز اوقیش گه موفق بولگن لیگینی بیلدیردی.

اوشبو ییتکچی اسرائیل نینگ چیکلاولری طفیلی اون مینگلب فلسطینلیک نینگ اقصی گه ییتیب باریشی گه و نماز اوقیشی گه توسیق بولگن لیگینی افاده ایتدی.

جمعه نمازی اوچون مسجد اقصی گه کیریشلریگه رخصت بیریلمه گن فلسطینلیکلر مسجد اقصی نینگ تیگره گیده نماز اوقیدیلر.