اسرائیل کوچلری غزه ده بیر کسلخانه گه باسقین قیلیب کیردی

غزه نواریده اسرائیل هجوملری عاقبتیده اولگن فلسطینلیک سانی 18 مینگ 205 گه ییتدی.

غزه ده گی حکومت تامانیدن بیریلگن بیاناتده اسرائیل نینگ محاصره آستیده گی غزه نواری گه 7 اکتوبردن بیری آلیب بارگن هجوملریده اولگن فلسطینلیک سانی نینگ کوپراغی باه و خاتین – قیزلردن عبارت 18 مینگ 205 گه ییتگن لیگی بیلدیریلدی.

اسرائیل کوچلری نینگ غزه نواری نینگ شمالیده بیر نیچه کوندن بیری محاصره آستیگه آلیب بمباردمان قیلگن کمال ادوان کسلخانه سیگه باسقین اویوشتیرگن لیگی معلوم قیلیندی.

غزه ده گی ساغلیک نی سقلش وزیرلیگی سوزچیسی اشرف القدرا اسرائیل کوچلری نینگ باسقین نینگ آرتیدن ساغلیک منسوبلری بیلن بیرقطارده برچه ایرککلرنی کسلخانه نینگ میدانی گه ییغیشتیرگن لیگینی تیلگه آلدی.

گروپده گیلر بیلن قولگه آلینگنلرنینگ حیاتیدن خواطرده ایکن لیکلرینی ایتگن القدرا بیرلشگن ملتلر تشکیلاتی بیلن دنیا ساغلیکنی سقلش گروهی و خلق ارا قیزیل صلیب کمیته سیگه چقیریق قیلیب بو کیشیلرنینگ قوتقریلیشینی و قوریقلنیشینی طلب ایتدی.        

حماس نینگ قوراللی ترماغی القسام کوچلری 7 اکتوبرده اسرائیل گه قره ته «اقصی طوفانی» آتیده کینگ بیر هجوم گه قول اورگن لیگینی بیلدیرگندی.

اسرائیل اردوسی هم بونگه جواب اوله راق حربی اوچاقلر آرقه لی غزه نواریگه تیمیر قیلیچلر عملیاتی باشلتگن لیگینی معلوم قیلگندی.