تورکیه جمهور باشلیغی بیلن قطر امیری اوزارا اوچره شوو اوتکزدی

جمهور باشلیغی رجب طیب ایردوغان قطر امیری شیخ تمیم بن حمد آل ثانی نینگ دعوتی گه بناً تورکیه – قطر یوکسک سویه لی ستراتیژیک همکارلیک کینگشی نینگ 9- جلسه سیگه قتنشیش اوچون تیناون کونی قطرنینگ پایتختی دوحه گه تشریف بیوردی.

رسمی کوتیب آلیش نینگ آرتیدن جمهور باشلیغی ایردوغان بیلن قطر امیری آلثانی یوزمه یوز اوتکزگن اوچره شووده اسرائیل نینگ غزه ده قیرغینیده گی سونگگی وضعیت، آتشکیسین و دایمی تینچلیک اورونیشلری قاله ویرسه غزه گه انسانی یاردملر تیلگه آلیندی.

جمهور باشلیغی ایردوغان خوددی شو ملاقاتده اسرائیل قول اورگن اوروش جرملری نینگ جوابینی کیسکین اوله راق بیریشی کیره ک لیگینی، شو اوچون حقوقی اورونیشلر قاله ویرسه خلق ارا همکارلیک نینگ کوپه یتیریلیشی نینگ مهم ایکن لیگینی تاکییدله دی.

ایککی رهبر تورکیه – قطر یوکسک سویه لی ستراتیژیک همکارلیک کینگشی نینگ 9- جلسه سیگه قتنشدی. جلسه نینگ آرتیدن ایککی اولکه اورته سیده مشترک بیلدیروو و 12 ته کیلیشووگه قول قوییلدی.

ایردوغان کیین آلثانی تامانیدن ترتیبلنگن اوقات پروگرامی گه قتنشدی.

جمهور باشلیغی ایردوغان بوگون ایسه قطر امیری آلثانی نینگ دور باشلیغی بولگن کورفز همکارلیک کینگشی نینگ 44- جلسه سیگه قتنشه دی.