فرانسه دولتی غزه گه ینگی بیر تیک اوچر کیمه سی جونتگن لیگینی بیلدیردی

فرانسه دولتی غزه گه اسرائیل نینگ هجوملریده یره لنگنلرنینگ تداویسی اوچون کسلخانه خذمتی بیرووچی ینگی بیر تیک اوچر کیمه سی جونتدی.

فرانسه مدافعه وزیری سباستین لکورنو اجتماعی ترماق ایکس آرقه لی بیرگن بیاناتده خوددی شو تیک اوچر کیمه سیده 40 ته یتاق، 2 ته عملیاتخانه، بیرته ایکسری اتاغی و بیرته لابراتوار بارلیگینی کیمه نینگ اینیقسه وضعیتی آغیر بولگن یره لی باله لرنینگ تداویسی اوچون خذمت بیره جگینی قید ایتدی.

دیکسموده آتیده گی کیمه نینگ بیر نیچه کون ایچیده مصرگه ییتیب باریشی کوتیله دی.

فرانسه اوتگن آی هم غزه اوچون اونیری آتیده بیرته تیک اوچر کیمه سی جونتگندی.

اسرائیل تامانیدن کسلخانه لر آماج قرار بیریلگن و آغیر ملکی تلفات یوز بیرگن غزه ده ساغلیک خذمتلری توخته لیب قالگن وضعیتده کیلگن. فرانسه جونتگن کیمه لر ییترلی یتاق ظرفیتی گه ایگه بولمه گن لیگی طفیلی مخالفت تامانیدن انتقاد ایتیلماقده.

حماس نینگ حربی ترماغی قسام کوچلری 7 اکتوبرده اسرائیل گه قره ته «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگندی.

یوز بیرگن بحرانده کوپراغی باله لردن عبارت توپلم 13 مینگدن آرتیق فلسطینلیک جان بیردی.