اسرائیل نینگ غزه ده هسته ای قورالدن فایده له نیشی نینگ آلدینی آلیش کیره ک
اوشبو مطلب نی فلسطین تشقی ایشلر وزیری بیلدیردی
فلسطین تشقی ایشلر وزیری ریاض المالکی, اسرائیل نینگ غزه گه قره ته هسته ای قورالدن فایده له نیش جهتیده گی تهدید لری نینگ بیکار قیلینیشی بوییچه تدبیر لرنینگ آلینیشی نی طلب قیلدی.
المالکی, اسرائیل نینگ افراطی راستگرا میراث وزیری امیهای ایلیاهو نینگ محاصره آستیده گی غزه نواریده هسته ای بمب دن فایده له نیش بوییچه تهدیدی بیلن علاقه لی خلق ارا اتم انرژی سی آژانسی باشلیغی رافائل ماریانو گروسی گه بیر پیام یوباردی.
"غزه گه هسته ای بمب آتیلیشی احتمالی نینگ موجود ایکن لیگینی" بیلدیرگن اسرائیل لیک وزیر نینگ تهدیدی نینگ, برچه اولکه لر گه قره تیلگن بیر تهدید ایکن لیگینی معلوم قیلگن المالکی, خلق ارا اتم انرژی سی آژانسی و اعضا اولکه لرنینگ اوشبو مسئله گه شاشیلینچ روشده اهمیت بیریشی کیره ک ایکن لیگی نی ایسله تیب اوتدی.
المالکی, "اسرائیل نینگ تهدید لری نینگ قاره له نیشی و فلسطین خلقی بیلن تیگره کده گی اولکه لرنینگ یشش حقی گه قره تیلگن اوشبو انیق تهدید نینگ بیکار قیلینیشی اوچون تدبیر لر نینگ آلینیشی نی" طلب قیلدی.
اوشبو بیانات نی, "غزه نی یوق قیلیش و فلسطین خلقی گه قره تیلگن قیرغین اوچون اسرائیل کابینه ییغیلیش لریده بحث ایتیلیاتگن فکر لرنینگ تشقری گه عکس ایتگن" بیر شکلی ایکن لیگینی بیلدیرگن المالکی, بونینگ اسرائیلده کینگ ترقه لیب کیتگن گپ لر بیلن هم متناسبت ایکن لیگی نی معلوم قیلدی.
"بو, اسرائیل نینگ هسته ای قورال و عاموی قیرغین قوراللریگه ایگه ایکن لیگی نینگ رسمی اعترافی سنلماقده. اشغالچی کوچ, ناقانونی یوللر آرقه لی هسته ای قورال ایشلب چقیردی. هسته ای قورال لرنینگ کینگ ترقه لیب کیتیشی نینگ آلدینی آلیش معاهده سی گه قوشیلیش نی رد ایتدی" دییه قید ایتگن المالکی, غزه ده هسته ای قورال دن فایده له نیش تهدیدی بیلن اوروش نی شدتلنتیریش و اشغال نی چقورلشتیریش نینگ هدف قیلیب آلینگن لیگینی بیلدیردی.
اسرائیل لیک وزیری ایلیاهو, غزه گه قره ته هسته ای قورال دن فایده له نیش احتمالی نینگ موجود ایکن لیگینی بیلدیرگن ایدی.
اوشبو بیاناتی آرتیدن, اسرائیل باش وزیری بنیامین نتنیاهو, ایلیاهو نی کابینه ییغیلیش لریده اشتراک قیلیشدن نامعلوم بیر مدت بیلن محروم قیلگن ایدی.
اسرائیل نینگ بورونغی باش وزیری یائیر لاپید ایسه, نتنیاهو نینگ ایلیاهو نی ایشدن بوشه تیشی کیره ک ایکن لیگینی بیلدیرگن ایدی.
ایلیاهو ایسه, عکس العمل لر گه قرشی چیدیه آلمه ی بیرگن بیاناتی نینگ "مجازی بیر معنی گه ایگه ایکن لیگینی" معلوم قیلگن ایدی.
علاقه لی ینگی لیکلر
تورکیه ملی استخبارات تشکیلاتی ایککی نفر تروریست جنگرینی تاثیرسیز وضعیت گه کیلتیردی
اوشبو تروریست جنگریلر عراق نینگ شمالیده تاثیرسیز وضعیت گه کیلتیریلدی
