یاردم قطاری غزه گه ییتیب باردی

اسرائیل نینگ آغیر هجوملری و محاصره آستیده گی غزه نواریگه انسانی یاردم ییتکیزووچی 59 ته تیرل ییتیب باردی.

فلسطین قیزیل آی جمغرمه سی موضوع بوییچه یازمه بیانات بیردی.

بیاناتده قیزیل آی گروهی نینگ تیناون کونی رفح چیگره ایشیگیدن کیرگن و ایچیده آذیق – اوقات، سوو، یاردم موادلری، داری و طبی مواد بولگن 59 تیرل نینگ مصر قیزیل آی جمغرمه سیدن تسلیم آلگن لیکلری بیلدیریلدی.

اوشبو تیرللردن 4 ته سی نینگ خلق ارا قیزیل هاج (صلیب) کمیته سی گه جونه تیلگن لیگی، 55 تیرل نینگ ایسه مصر قیزیل آی جمغرمه سی تامانیدن فلسطین قیزیل آی جمغرمه سیگه گه تسلیم بیریلگن لیگی هجوملر باشله گن 7 اکتوبردن بیری غزه گه یاردم ییتکیزیش اوچون کیرگن تیرل سانی نینگ 217 گه ییتگن لیگی بیراق حلی گچه یاقیلغی نینگ کیریشی گه رخصت بیریلمه گن لیگی معلوم قیلیندی.

حماس نینگ حربی ترماغی قسام کوچلری 7 اکتوبرده اسرائیل گه قره ته «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگن لیگینی معلوم قیلگندی.

یوزبیرگن خوددی شو بحرانده ایککی تاماندن مینگلب تلفات بار.