تورکیه غزه ده گی کسلخانه گه اویوشتیریلگن هجوم نی قاره له دی

تورکیه نینگ غزه تورک – فلسطین دوستلیک کسلخانه سیگه آلیب باریلگن هجومنی قتّیق بیر شکلده قاره له گن لیگی بیلدیریلدی.

تورکیه جمهوریتی تشقی ایشلر وزیرلیگی تامانیدن بیریلگن یازمه بیاناتده،

"اسرائیل نینگ غزه تورک – فلسطین دوستلیک کسلخانه سیگه آلیب بارگن هجومینی قتّیق بیر شکلده قاره له یمیز. غزه ده گی بیرته سرطان کسلخانه سی بولمیش اوشبو موسسه نینگ نقشه سی قاله ویرسه برچه معلوماتلری اسرائیللیک مقاملر بیلن آلدیندن باهملشیلگن حالده بونقه بیر هجوم گه قول اوریلگن لیگی نینگ هیچ بیر جوابی یوق دیر." دیب ایتیلگن.

"غزه ده گی فلسطین خلقی نینگ اینگ اساسی حقلریدن محروم قیلیب تشلش نی مقصد قیلیب آلگن محاصره و بو انسانلیک بولمه گن هجوملر خلق ارا قانون نی اچیق روشده پایمال قیلیش دیر" دییلگن بیاناتده اسرائیل نینگ غزه مسکونیلرینی بوتونله ی هدف آلیشدن وازکیچیشی کیره ک لیگی معلوم قیلیندی.

غزه نواریده سرطان کسللری داریلنگن بیرته کسلخانه بولمیش تورک – فلسطین دوستلیک کسلخانه سی فلسطین مقیاسیده اینگ بویوک کسلخانه لردن بیرته سی ایدی.

تورکیه تامانیدن قوریلگن 34 مینگ 800 متر مربعلیک بیر ساحه ده قوریلگن 3 قواتلی و 180 یاتاقلی کسلخانه نینگ ساختمانی 2017 ییلی اداغگه ییتیب بارگندی.