سوریه ده امریکانینگ حربی مرکزلری نینگ تیگره گیده هجوم اویوشتیریلدی

سوریه نینگ شرقیده گی دیرالزور ولایتیده امریکا قوشمه ایالتی کوچلری جایلشگن کونیکو گاز ساحه سی تیگره گی گه هجوم اویوشتیریلدی.

محلی منبعلردن قولگه کیریتیلگن معلوماتگه کوره، امریکا قوشمه ایالتی کوچلری جایلشگن کونیکو گاز ساحه سی تیگره گی گه کیملیگی نامعلوم قوراللی هوا واسطه لری درون آرقه لی هجوم اویوشتیریلگن.

خوددی شو هجوم نتیجه سیده هیچ قنده ی تلفات یوزبیرمه گن لیگی بیلدیریلدی.

منبعلر کونیکو یقینلریده جایلشگن طبیعی گاز قووریده پارتلش یوزبثیرگن لیگینی معلوم قیلدی.

پارتلش نینگ سببی انیقلنمه گن لیگی طبیعی گاز تشووچی قووریده یانغین یوزبیرگن لیگی افاده ایتیلدی.

اوشبو حادثه نینگ آرتیدن امریکا قوشمه ایالتلریگه باغلیق تیک اوچر و هیداوچیسی هوا واسطه لری اوچیش گه باشله گن.

فرات دریاسی نینگ شرقیده جایلشگن دیرالزور توپراقلری امریکا قوشمه ایالتلری قوللب – قوتلاوچی ترور تشکیلاتی وای پی جی/پی کاکانینگ اشغالیده ولایت مرکزی و ایریم چیکه حدودلرده ایسه بشارالاسد رژیمی و ایران قوللب – قوتلاوچی گروپلرنینگ کنترولیده دیر.