اسرائیل غزه نواریگه هیچ قنده ی یاردم کیریتیلمسلیگینی بیلدیردی

اسرائیل اردوسی شو وقت محاصره آستیده گی غزه نواریگه هیچ قنده ی یاردم کیریتیلمسلیگینی ایتدی.

اسرائیل اردوسی سوزچیسی دانیئیل هگاری اویوشتیرگن مطبوعاتی کنفرانس اسرائیل دولت تلویزیونی تامانیدن نشر قیلیندی.

هگاری "شو وقت غزه گه یاردم کیریشی گه رخصت بیریلمسلیگینی برچه نینگ بیلیشی کیره ک. غزه گه آچیلگن چیگره ایشیکلری حلی هم یاپیق روشده. بو بیلن تیگیشلی قرار اداری سویه ده آلینه دی و کیین عملی بوله دی. یاردم کیریشلری نینگ وقتی کیلگنده بونی بیلدیره میز." دیدی.

اسرائیل نینگ شمالیده گی بحران نی هم تیلگه آلگن هگاری لبنان نینگ جنوبیدن اوزیلگن اوق نینگ حزب الله نینگ تصدیقی و یاردمی بیلن قول اوریلگن لیگینی و حزب الله نینگ بونینگ عاقبتینی کوره جیگینی معلوم قیلدی.

هگاری عیندمده 100 دن آرتیق اسرائیللیک نینگ لادرک ایکن لیگینی و عایله لریگه بو توغریده معلومات بیریلگن لیگینی افاده ایتدی.

حماس نینگ حربی ترماغی قسام کوچلری 7 اکتوبرده اسرائیل گه قره ته «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگن لیگینی معلوم قیلگندی.

یوزبیرگن خوددی شو بحرانده ایککی تاماندن مینگلب تلفات بار.