غزه ده کسلخانه قیرغینی و هجوملر

اسرائیل دنیانینگ کوزی نینگ آلدیده ینه قیرغین قیلدی

اسرائیل نینگ غزه ده جایلشگن الاهلی باپتیست کسلخانه سینی بمباردمان قیلیشی نتیجه سیده دستلبکی معلوماتگه کوره 500 کیشی نینگ اولگن لیگی بیلدیریلدی.

غزه ده گی ساغلیک نی سقلش وزیرلیگی سوزچیسی اشرف الکودرا، الاهلی باپتیست کسلخانه سی نینگ بمباردمان قیلینیشی نتیجه سیده 500 کیشی نینگ جان بیرگن لیگینی ایتدی.

حیاتینی یوقاتگنلرنینگ کوپی نینگ چقلاق، باله لر و خاتین – قیزلردن عبارت.

الاهلی باپتیست کسلخانه سی قیرغینی نینگ تینگی یوق و تعریف ایتیش ممکن ایمس" دیب بهالندیردی.

کودرا غزه ده ساغلیک امکانیتلری نینگ توگه گن لیگینی "تداوی امکانیتلری نینگ بوتونله ی توگه ب قالگن لیگینی اعلان قیلیش گه بیر نیچه ساعت قالدی" دیب ایتدی.

فلسطین دولت باشلیغی محمود عباس حادثه نینگ آرتیدن 3 کونلیک یاس ایتیب اعلان قیلدی.

شونده ی بولیب فلسطین، اسرائیل حربی اوچاقلری نینگ غزه ده گی الاهلی باپتیست کسلخانه سینی بمباردمان قیلیشی نینگ "اوروش جرمی" ایکن لیگینی بیلدیردی.

تشقی ایشلر وزیرلیگی نینگ فیسبوک آدرسی آرقه لی اسرائیل نینگ هجومی گه تیگیشلی بیانات بیریلدی.

بیاناتده اسرائیل حربی اوچاقلری نینگ غزه ده جایلشگن الاهلی باپتیست کسلخانه سینی بمباردمان قیلیش بیلن "اوروش جرمی" گه قول اورگن لیگی و بونینگ عیندمده انسانلیک که قرشی قول اوریلگن بیر جرم ایکن لیگی قید ایتیلدی.

اسرائیل اردوسی تامانیدن 7 اکتوبرده باشله تیلگن غزه نواریگه قره ته هجوملر دوام ایتماقده.

اسرائیل کوچلری غزه نواریده گی جبالیا منطقه سی و نصایرة مهاجرلر کمپی بیلن یرموک و زیتون محله لریگه هوا و دینگیز آرقه لی بمباردمان قیلدی. غزه نینگ شمالیده گی اویلرگه اویوتیریلگن هوا هجوملری نتیجه سیده 30 کیشی حیاتینی یوقاتدی.

نصایرة مهاجرلر کمپیده بیر نانخانه نینگ هدف آلینگن لیگی خوددی شو هجوم عاقبتیده کمیده 2 ته فلسطینلیک نینگ اولگن لیگی قید ایتیلدی.

اورولگن نانخانه ده ایریم منطقه لردن کمپ گه کیلیب سیغینگن فلسطینلیکلر اوچون نان بیشیریلگن لیگی افاده ایتیلدی.

غزه نواری نینگ جنوبیده گی خان یونس گه قره ته اویوشتیریلگن هجومده هم بیرته سی باله 3 ته فلسطینلیک حیاتینی یوقاتدی.

حماس نینگ حربی ترماغی قسام کوچلری شنبه کونی اسرائیل گه قره ته «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگن لیگینی معلوم قیلگندی.

یوزبیرگن خوددی شو بحرانده ایککی تاماندن مینگلب تلفات بار.