اسرائیل نینگ غزه گه قره تیلگن هجوملری دوام ایتماقده

غزه ده حماس نینگ حربی بولیمی دن عبارت عزالدین القسام لوا لری نینگ 7- اوکتوبر کونی ایرته لب اسرائیل گه قرشی "اقصی طوفانی" ناملی کینگ کولملی هجوم باشله تیشی آرتیدن, فلسطینلیک گروه لر بیلن اسرائیل اورته سیده گی اوروش لر 10 کوندن بیری دوام ایتماقده. 

اسرائیل, محاصره آستیده گی غزه گه قره تیلگن هجوم لری نینگ شدتی نی آشیرماقده.

اسرائیل اردوسی, کیچه 2 مینگ 670 کیشی نینگ حیاتینی یوقاتگن و تقریباً 10 مینگ نفر نینگ یره لنگن غزه نواری نینگ فرقلی منطقه لرینی بمباردمان قیلیش گه دوام ایتدی.

اسرائیل نینگ سونگّی هجوملریده, غزه ده 80 کیشی نینگ حیاتینی یوقاتگن لیگی و 100 نفر نینگ ایسه یره لنگن لیگی بیلدیریلدی.  ویران بولگن بنا لرنینگ تگیده حاضرهم مینگلب کیشی موجود. 

اسرائیل اوچاق لری نینگ غزه نینگ شرقیده ملکی مدافعه و عاجل سرویس تیم لری نی بمباردمان قیلیشی نتیجه سیده 5 نفر ساغلیق نی سقلش پرسونلی حیاتینی یوقاتدی. 

اسرائیل اوروش اوچاق لری نینگ, غزه نواری نینگ جنوبی ده گی خان یونس و رفح گه قره تیلگن هجوملریده ایسه 11 نفر فلسطینلیک حیاتینی یوقاتدی. 

فلسطینلیک ژورنالیست لر اتحادیه سی هم, اسرائیل نینگ غزه گه قره تیلگن هجوملریده 11 نفر ژورنالیست نینگ حیاتینی یوقاتگن لیگی, 20 دن آرتیق مطبوعات منسوبی نینگ یره لنگن لیگی و 2 ته سی نینگ ایسه لادرک یوقالگن لیگینی بیلدیردی. 

اسرائیل کوچلری, هوا هجوملریده اینیقسه غزه ده گی یوللر نی اورماقده. 

اسرائیل نینگ 10 دن کوندن بیری غذایی مواد و ادویه داخل هیچ بیر نرسه نینگ اوتیشی گه اجازت بیرمه گن غزه ده کسلخانه لرنینگ وضعیتی جوده یمان. 

بیرلشگن ملتلر تشکیلاتی بشری ایشلر کوردیناسیون دفتری, غزه نواریده گی برچه کسلخانه لرده یاقیلغی ذخیره لری نینگ اینگ کوپ 24 ساعتده توگه یدیگن لیگینی بیلدیردی. 

بیرلشگن ملتلر تشکیلاتی نفوس فوندی ایسه غزه نواریده 50 مینگ حامله عیال نینگ اینگ اساسی ساغلیق نی سقلش خدمتی دن محروم ایکن لیگینی معلوم قیلدی. 

بیرلشگن ملتلر تشکیلاتی فلسطینلیک مهاجر لر گه یاردم آژانسی هم غزه ده اولر گه باغلیق مکتب و بنالرده کمیده 400 مینگ مهاجر نینگ موجود ایکن لیگینی بیلدیردی.

غزه ده گی فلسطین ایچکی ایشلر وزیرلیگی تامانیدن بیریلگن بیاناتده ایسه, "دوام ایتیاتگن اسرائیل هجوملری سببلی غزه نواریده ایچیله دیگن سوو بوییچه جدی قیین چیلیک لر موجود.  اشغالچی کوچ لرنینگ 10 کون دن بیری غزه نواریده گی هیچ بیر شهر گه حتی بیر لیتر هم سوو بیرمه گن لیگی, خلق نی تازه بولمه گن سوو لرنی ایچیش گه مجبور قیلیب قویدی" دییه قید ایتیلدی.

بیاناتده, منطقه خلقی نینگ حیاتینی تهدید ایتیاتگن جدی بیر ساغلیق بحرانی حقیده هشدار بیریلدی. 

اسرائیل, 8- اوکتوبر کونی, محاصره آستیده گی غزه گه سوو, برق, غذایی مواد و باشقه اولیه مواد بیرمسلیککه قرار قیلدی.

بیرلشگن ملتلر تشکیلاتی, 14- اوکتوبر کونی غزه نواریده سوو نینگ توگه شی سببلی 2 میلیون دن آرتیق کیشی نینگ ریسک آستیده ایکن لیگینی بیلدیرگن ایدی. 

قوریقلیک عملیاتی اوچون تیارگرلیک اوتکزیاتگن اسرائیل اردوسی, غزه ده خلق دن جنوب تامان کیتیشی نی طلب قیلگن ایدی. 

تل ابیب رهبریتی, اوشبو طلب گه بناً 600 مینگ فلسطینلیک نینگ منطقه نینگ جنوبی گه اوتگن لیگینی ادعا ایتدی. 

حماس نینگ عسکری بولیمی دن عبارت القسام لوا لری, 7- اوکتوبر کونی اسرائیل گه قره ته "اقصی طوفانی" ناملی کینگ کولملی بیر هجوم باشلتگن لیگینی بیلدیرگن ایدی.  غزه دن اسرائیل گه قره ته مینگلب راکت آتیلرایکن, قوراللی کیشی لر منطقه ده گی مسکونی نقطه لر گه کیرگن ایدی. 

اسرائیل اردوسی هم اوروش اوچاق لری دن فایده له نیب غزه نواری گه قره ته تیمیر قلیچ لر عملیاتی نی باشلتگن لیگینی بیلدیرگن ایدی. 

اوشبو حادثه لر عاقبتیده ایکله تاماندن یوزلب کیشی حیاتینی یوقاتدی.